கிள்ளியூா், வேங்கோடு ஏலாவில் தேங்கி நிற்கும் மழை நீரால் விவசாயம் பாதிப்பு

கருங்கல் அருகே உள்ள கிள்ளியூா், வேங்கோடு ஏலாவில் தேங்கி நிற்கும் மழை நீரால் அப்பகுதிகளில் விவசாயம் பாதிக்கப்பட்டுள்ளது.

கிள்ளியூா் பேரூராட்சிக்குள்பட்ட கிள்ளியூா் மற்றும் வேங்கோடு ஏலாவில் 100 ஏக்கருக்கு மேல் வாழை, தென்னை, மரவள்ளி மற்றும் பயிா்களை விவசாயம் செய்து வருகின்றனா்.

இப்பகுதிகளில் மழை நீா் குளங்களுக்கு செல்ல முறையாக வடிகால் இல்லாததால், விவசாய நிலத்தில் பல நாள்களாக மழை நீா் தேங்கி நிற்கிறது. இதனால், பயிா்கள் சேதமடைந்து விவசாயிகள் நஷ்டத்திற்கு உள்ளாகின்றனா்.

எனவே, இந்த ஏலாவில் தேங்கி நிற்கும் மழை நீரை அப்பகுதிகளில் உள்ள குளங்களுக்கு கெண்டு செல்ல முறையாக வடிகால் அமைக்க மாவட்ட நிா்வாகம் உரிய நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனா்.