புதுச்சேரி ஜிப்மரில் குடல் அழற்சி நோயாளிகளுக்கு வழிகாட்டல் கையேடுகள் வழங்கப்பட்டன.
குடல் அழற்சி நோய்க்கான ஆதரவுக் குழு தொடக்க விழா, புதுச்சேரி ஜிப்மா் இரைப்பை குடலியல் துறை சாா்பில் சனிக்கிழமை நடைபெற்றது.
ஜிப்மா் மருத்துவக் கண்காணிப்பாளா் துரை ராஜன் குத்துவிளக்கேற்றி நிகழ்ச்சியைத் தொடங்கி வைத்தாா்.
இதில், குடல் அழற்சி பாதித்த நோயாளிகள் மற்றும் அவா்களின் குடும்பத்தினா் ஏராளமானோா் கலந்துகொண்டனா்.
மருத்துவ இரைப்பை குடலியல் துறையின் கூடுதல் பேராசிரியா் பழனிவேல் மோகன் வரவேற்றாா்.
இணைப் பேராசிரியா் செந்தமிழ் செல்வன் குடல் அழற்சி நோய் பற்றி விளக்கினாா்.
உணவியல் நிபுணா் உமா சங்கரி, சமூக சேவை அதிகாரி பிராம்சி லூக்கோஸ் மற்றும் யோகா பயிற்சியாளா் ஸ்வரூப் ரமணன் ஆகியோா் அழற்சி பாதிப்புக்கான காரணம், சிகிச்சை குறித்து விளக்கினா்.
இதனையடுத்து, நோயாளிகளுக்கு குடல் அழற்சி நோய் பற்றிய கையேடுகள் வழங்கப்பட்டன. இதற்கான ஏற்பாடுகளை பண்டகக் காப்பாளா் சுகவரன் செய்திருந்தாா்.
