குண்டடம் ஊராட்சி ஒன்றியம் மற்றும் ருத்ராவதி பேரூராட்சியைச் சோ்ந்த 106 பயனாளிகளுக்கு இலவச வீட்டுமனை பட்டாக்களை அமைச்சா்கள் மு.பெ.சாமிநாதன், கயல்விழி செல்வராஜ் ஆகியோா் வழங்கினா்.
திருப்பூா் மாவட்டம், குண்டடம் ஊராட்சி ஒன்றியம் ஈஸ்வரசெட்டிபாளையம் சமுதாயக் கூடத்தில் வருவாய்த் துறை சாா்பில் இலவச வீட்டுமனை பட்டா வழங்கும் நிகழ்ச்சி செவ்வாய்க்கிழமை நடைபெற்றது. நிகழ்ச்சிக்கு மாவட்ட ஆட்சியா் தா.கிறிஸ்துராஜ் தலைமை வகித்தாா்.
இதில், தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன், மனிதவள மேலாண்மைத் துறை அமைச்சா் கயல்விழி செல்வராஜ் ஆகியோா் கலந்து கொண்டு நலத்திட்ட உதவிகளை வழங்கினா்.
குண்டடம் ஊராட்சி ஒன்றியம் மற்றும் ருத்ராவதி பேரூராட்சிகு உள்பட்ட மோளரபட்டி, பெல்லம்பட்டி, எரகாம்பட்டி, கொக்கம்பாளையம், காசிலிங்கம்பாளையம், மானூா்பாளையம், நவனாரி, பெரியகுமாரபாளையம், வேலயுதம்பாளையம், சூரியநல்லூா், புங்கந்துறை ஆகிய பகுதிகளைச் சோ்ந்த 106 பயனாளிகளுக்கு இலவச வீட்டுமனை பட்டாக்களை அமைச்சா்கள் வழங்கினா்.
ரூ.10.53 கோடி மதிப்பீட்டில் புதிய திட்டப்பணிகள்: குண்டடம் ஊராட்சி ஒன்றியம், நவனாரி ஊராட்சி, கள்ளிப்பாளையத்தில் நீா்வளத் துறையின் சாா்பில் நபாா்டு திட்டத்தின் கீழ் ரூ.7.57 கோடி மதிப்பீட்டில் உப்பாறு ஓடையின் குறுக்கே தடுப்பணை கட்டும் பணி, நவனாரி ஊராட்சி, கள்ளிப்பாளையத்தில் நபாா்டு திட்டத்தின் கீழ் ரூ.1.33 கோடி மதிப்பீட்டில் காசிலிங்கம்பாளையம் முதல் நிராயூா் சாலை வரை, ரூ.1.63 கோடி மதிப்பீட்டில் மானூா்பாளையம்- கருப்பட்டிபாளையம் சாலை முதல் தொட்டியன்துறை வரை சாலை மேம்படுத்தும் பணி என மொத்தம் ரூ.10.53 கோடி மதிப்பீட்டில் புதிய திட்டப் பணிகளை அமைச்சா்கள் மு.பெ.சாமிநாதன், கயல்விழி செல்வராஜ் ஆகியோா் தொடங்கிவைத்தனா். இந்த நிகழ்ச்சியில், தாராபுரம் வருவாய் கோட்டாட்சியா் ஃபெலிக்ஸ் ராஜா , திருப்பூா் மாநகராட்சி 4-ஆவது மண்டலத் தலைவா் இல.பத்மநாபன், கண்காணிப்புப் பொறியாளா் (நீா்வளத் துறை) காா்த்திகேயன், செயற்பொறியாளா் மகேந்திரன், தாராபுரம் வட்டாட்சியா் திரவியம், உதவி பொறியாளா் பாபு, இளநிலைப் பொறியாளா் விஜயசேகா் உள்ளிட்ட பலா் கலந்து கொண்டனா்.
