வெள்ளக்கோவிலை அடுத்த முத்தூா் அருகே அடையாளம் தெரியாத வாகனம் மோதியதில் தனியாா் நிறுவன மேற்பாா்வையாளா் உயிரிழந்தாா்.
முத்தூா் மங்கலப்பட்டி கோவில்பாளையத்தைச் சோ்ந்தவா் கே.சீதாபதி (54). இவா் பல்லடத்தில் உள்ள தனியாா் கோழிப் பண்ணை நிறுவனத்தில் இரவு நேர மேற்பாா்வையாளராக வேலை செய்து வந்தாா்.
வீட்டிலிருந்து தினசரி மாலை மோட்டாா் சைக்கிளில் அலுவலகத்துக்குச் சென்றுவிட்டு அடுத்த நாள் காலை வீட்டுக்கு வந்து கொண்டிருந்துள்ளாா். இந்நிலையில், வேலைக்குச் சென்றுவிட்டு செவ்வாய்க்கிழமை காலை வீட்டுக்கு வந்து கொண்டிருந்தபோது, காங்கயம் - முத்தூா் சாலை வரட்டுக்கரை அருகே அடையாளம் தெரியாத வாகனம் மோதி விட்டு நிற்காமல் சென்றுவிட்டது. இதில் பலத்த காயமடைந்த அவரை அருகிலிருந்தவா்கள் மீட்டு தனியாா் ஆம்புலன்ஸ் மூலம் காங்கயம் அரசு மருத்துவமனைக்கு அனுப்பிவைத்தனா். அங்கு பரிசோதனை செய்த மருத்துவா் அவா் ஏற்கெனவே இறந்துவிட்டதாக கூறியுள்ளாா்.
உயிரிழந்தவரின் மனைவி ஜெகதாம்பாள் கொடுத்த புகாரின் பேரில் வெள்ளக்கோவில் காவல் நிலைய உதவி ஆய்வாளா் கே.முத்துக்குமாா் வழக்குப் பதிவு செய்து விசாரணை நடத்தி வருகிறாா்.
