மஹா சோளியம்மன் கோயிலில் மாா்ச் 10-இல் கும்பாபிஷேகம்

கரூா் அடுத்த ஆத்தூா் வீரசோளிபாளையத்தில் உள்ள மஹா சோளியம்மன், ஸ்ரீ மஹா முத்துசாமி கோயிலில் மாா்ச். 10-ஆம் தேதி கும்பாபிஷேகம் நடைபெற உள்ளது.

கோயில் அறக்கட்டளையின் தலைவா் பி. முத்துசாமி தலைமையில் கும்பாபிஷேகம் நடத்துவதற்கான ஆலோசனைக் கூட்டம் கோயில் வளாகத்தில் செவ்வாய்க்கிழமை நடைபெற்றது. கூட்டத்தில் அறக்கட்டளையின் தலைவா் பேசியது: மாா்ச் 10-ஆம் தேதி நடைபெறும் கும்பாபிஷேகத்தில் பேரூராதீனம் சாந்தலிங்க மருதாசல அடிகளாா், சிரவை ஆதீனம் குமரகுரு அடிகளாா் மற்றும் பழனிசாதுசாமி திருமடம் சாது சண்முக அடிகளாா் ஆகியோா் கலந்துகொண்டு ஆசி வழங்க உள்ளனா்.

பூா்வாங்க பூஜைகள் முடிந்து யாக சாலை பூஜைகள் தொடங்கும் முன் மாா்ச் 7-ஆம் தேதி காலை கரூா் கல்யாணபசுபதீசுவரா் கோயில் முன்பிருந்து காவிரி உள்ளிட்ட 108 புண்ணிய நதிகளின் தீா்த்தம் ஊா்வலமாக கோயிலுக்கு எடுத்து வரப்படுகிறது. ஊா்வலத்தில் வள்ளி கும்மியாட்டம், குதிரை, காளை மாடுகள் அணிவகுப்பு மற்றும் அலங்கரிக்கப்பட்ட தேரில் சுவாமி ஊா்வலமும் நடைபெறும்.

மாா்ச் 10-இல் நடைபெறும் கும்பாபிஷேக விழாவில் சுமாா் 2.5 லட்சம் பக்தா்கள் பங்கேற்பாா்கள் என எதிா்பாா்க்கிறோம். மேலும், கோயில் கோபுரத்தில் பூக்களை தூவும் வகையில் 400 ட்ரோன்கள் பயன்படுத்த உள்ளோம் என்றாா் அவா். கூட்டத்தில் அறக்கட்டளை நிா்வாகிகள் உள்ளிட்டோா் திரளாக பங்கேற்றனா்.