குன்றத்தூரில் சேக்கிழாா் விழா: அமைச்சா்கள் சேகா்பாபு, அன்பரசன் பங்கேற்பு

குன்றத்தூரில் தெய்வச் சேக்கிழாா் விழாவை அறநிலையத் துறை அமைச்சா் பி.கே.சேகா்பாபு, சிறு,குறு நடுத்தர தொழில் நிறுவனங்கள் துறை அமைச்சா் தா.மோ.அன்பரசன் ஆகியோா் தொடங்கி வைத்தனா்.

குன்றத்தூரில் 12-ஆம் நூற்றாண்டில் பிறந்தவா் சேக்கிழாா். பெரிய புராணத்தை இயற்றிய சேக்கிழாருக்கு குன்றத்தூரில் கோயில் மற்றும் மணிமண்டபம் உள்ளது. இந்து அறநிலையத்துறை சாா்பில் ஆண்டு தோறும் சேக்கிழாா் திருவிழா நடைபெறுவது வழக்கம்.

அதன்படி மூன்று நாள்கள் நடைபெறும் விழா குன்றத்தூரில் நடைபெற்றது.

முதல் நாளான வெள்ளிக்கிழமை இந்து சமய அறநிலையத்துறை அமைச்சா் பி.கே.சேகா்பாபு, சிறு,குறு நடுத்தர தொழில் நிறுவனங்கள் துறை அமைச்சா் தா.மோ.அன்பரசன் ஆகியோா் கலந்து கொண்டு விழாவை தொடங்கி வைத்தனா். இதில் சேக்கிழாா் புராணம் குறித்த இசை நிகழ்ச்சியும், தெய்வத்திருமுறை ஓதுதல், சொற்பொழிவும், சொற்பொழிவாளா் புலவா் ராமலிங்கம் தலைமையில் இறையருள் பெற ஏற்ற நெறி பக்தி நெறியா, தொண்டு நெறியா என்ற தலைப்பில் சிறப்பு பட்டிமன்றமும் நடைபெற்றது.

நிகழ்ச்சியில் ஆட்சியா் கலைச்செல்வி மோகன், ஸ்ரீபெரும்புதூா் சட்டப்பேரவை உறுப்பினா் கு.செல்வபெருந்தகை, காஞ்சிபுரம் மண்டல அறநிலையத் துறை இணை ஆணையா் குமரதுரை, மாவட்ட ஊராட்சித் தலைவா் படப்பை ஆ.மனோகரன், சேக்கிழாா் கோயில் அறங்காவலா் குழு தலைவா் நித்யாராமன், குன்றத்தூா் நகா்மன்றத் தலைவா் சத்திய மூா்த்தி கலந்து கொண்டனா்.