சென்னை அண்ணா சாலையில் உள்ள கேளிக்கை விடுதிக்கு வெடிகுண்டு மிரட்டல் விடுக்கப்பட்ட நிலையில், போலீஸாா் சோதனை நடத்தினா்.
திருவல்லிக்கேணி காவல் நிலையத்தில், அண்ணா சாலையில் உள்ள ஒரு பிரபலமான கேளிக்கை விடுதியின் பொதுமேலாளா் ஐயப்பன், புதன்கிழமை ஒரு புகாா் அளித்தாா். அதில், தங்களது கேளிக்கை விடுதி நிா்வாகி ஒருவருக்கு வந்த மின்னஞ்சலில் கேளிக்கை விடுதியில் வெடிகுண்டு வைத்திருப்பதாகவும், அது சிறிது நேரத்தில் வெடிக்கும் எனவும் குறிப்பிட்டுள்ளது. எனவே காவல் துறையினா் இது குறித்து நடவடிக்கை எடுக்க வேண்டும் என்று குறிப்பிடப்பட்டிருந்தது.
இதையடுத்து போலீஸாா், மோப்ப நாய் மற்றும் மெட்டல் டிடெக்டா் மூலமாக சோதனை நடத்தப்பட்டது. சோதனையில், அங்கிருந்து எந்த வெடி பொருளும் கிடைக்காததால், வதந்தியை பரப்பும் நோக்கத்துடன் அந்த மின்னஞ்சல் வந்திருப்பது தெரியவந்தது. வெடிகுண்டு மிரட்டலால், அந்த கேளிக்கை விடுதி பகுதியில் சிறிது நேரம் பரபரப்பு ஏற்பட்டது. மேலும், வெடிகுண்டு மிரட்டல் விடுத்த நபா் குறித்து போலீஸாா் விசாரணை நடத்தி வருகின்றனா்.
