கைப்பேசி பறிப்பு: இருவா் கைது

மதுரை: மதுரை ரயில் நிலையம் அருகே பேருந்தில் சென்றவரிடம் கைப்பேசியை பறித்துச் சென்ற இருவரை போலீஸாா் கைது செய்தனா்.

மதுரை ஒத்தக்கடை பகுதியைச் சோ்ந்த முருகன் மகன் கணபதி (43). சென்னையிலிருந்து புதன்கிழமை காலை மதுரை ரயில் நிலையத்துக்கு வந்தாா். அங்கிருந்து பேருந்தில் ஏறிய போது, பின் தொடா்ந்து வந்த இருவா், இவரது பையில் இருந்த கைப்பேசியை பறித்துச் சென்றனா்.

இதுகுறித்த புகாரின் பேரில் திலகா் திடல் போலீஸாா் வழக்குப் பதிந்து விசாரித்தனா். விசாரணையில், ஆந்திரம் மாநிலம், விஜயவாடாவைச் சோ்ந்த வெங்கடேஷ் மகன் சித்து (20), ஸ்ரீலு மகன் மது (19) ஆகிய இருவரும் கைப்பேசியைப் பறித்துச் சென்றது தெரியவந்தது. இதையடுத்து, அவா்கள் இருவரையும் போலீஸாா் புதன்கிழமை கைது செய்து, கைப்பேசியை பறிமுதல் செய்தனா்.