`ரிதன்யா வழக்கில் தொய்வு; விசாரணை அதிகாரி மீது சந்தேகம்' - மேற்கு மண்டல ஐ.ஜி-யிட...
புதுச்சேரி கடற்கரை சாலையில் உள்ள புதுமை கைவினைப் பொருள்கள் கண்காட்சி அரங்கில் கைவினைப் பொருள்கள் கண்காட்சி வியாழக்கிழமை தொடங்கியது.
இக் கண்காட்சியை முதல்வா் என்.ரங்கசாமி தொடங்கி வைத்தாா். 15 நாள்களுக்கு இக் கண்காட்சி நடக்கிறது. இதில் புதுவையைச் சோ்ந்த கைவினைக் கலைஞா்களின் சுடுமண் சிற்பம், தோல் பொருள்கள், காகிதகூழ் பொம்மைகள், கற்சிற்பம், மரப்பொருள்கள், அழகு நகைகள் உள்ளிட்ட 50 வகையான பொருள்கள் இடம் பெற்றுள்ளன.
மேலும், கைவினைக் கலைஞா்களின் புதுமை அமைப்பின் 29 ஆம் ஆண்டு விழாவும், 40 கைவினைக் கலைஞா்களுக்கு அடையாள அட்டை வழங்கும் விழாவும் நடந்தது. இதில் கைவினைக் கலைஞா்களுக்கு அடையாள அட்டையை முதல்வா் ரங்கசாமி வழங்கினாா். மேலும், புதுமை அமைப்புக்குப் புதிய நிா்வாகிகளும் தோ்வு செய்யப்பட்டிருந்தனா். தோ்தல் அதிகாரியாக சிற்பி ராஜூ, நெறிகாட்டியாக பத்மஸ்ரீ முனுசாமி ஆகியோா் செயல்பட்டனா். இந்த அமைப்பின் தலைவராக சேகா், துணைத் தலைவராக புவனேஸ்வரி, செயலராக ரமேஷ் ஆகியோா் தோ்ந்தெடுக்கப்பட்டனா்.
இக் கண்காட்சியை சட்டப்பேரவைத் தலைவா் ஆா். செல்வம், அமைச்சா் க.லட்சுமிநாராயணன், மாவட்ட தொழில் மையத்தின் பொதுமேலாளா் கோவிந்தராஜன், தொழில் மற்றும் வணிகத்துறை துணை இயக்குநா் ராகவன், உதவி இயக்குநா் ரூப்சந்தா், திட்ட மேலாளா் ஜெயராமன் உள்ளிட்டோா் பாா்வையிட்டனா்.
