கொடுமுடி ஒன்றியத்தில் ரூ.9 லட்சம் மதிப்பீட்டில் நிழற்குடைகள் அமைக்கும் பணி தொடக்கம்

கொடுமுடி ஒன்றயித்தில் ரூ.9 லட்சம் மதிப்பீட்டில் நிழற்குடைகள் அமைக்கும் பணி சனிக்கிழமை தொடங்கின.

கொடுமுடி ஒன்றியம், சோளக்காளிபாளையம் பேருந்து நிறுத்தம், கருமாண்டம்பாளையம் பேருந்து நிறுத்தம் ஆகிய பகுதிகளில் சட்டப் பேரவை உறுப்பினா் தொகுதி மேம்பாட்டு நிதியில் இருந்து ரூ.9 லட்சம் மதிப்பீட்டில் நிழற்குடைகள் அமைக்கப்படவுள்ன.

இதன் பணிகளை மொடக்குறிச்சி சட்டப் பேரவை உறுப்பினா் சி.சரஸ்வதி தொடங்கிவைத்தாா்.

மேலும், அவல்பூந்துறை பேரூராட்சி செப்பு நெருஞ்சி தோட்டம் பகுதியில் ரூ.4.5 லட்சம் மதிப்பீட்டில் அமைக்கப்பட்ட பயணிகள் நிழற்குடையை பயன்பாட்டுக்கு அவா் திறந்துவைத்தாா்.

இந்நிகழ்வில் ஈரோடு பாஜக தெற்கு மாவட்டத் தலைவா் எஸ்.எம்.செந்தில், முன்னாள் மாவட்டத் தலைவா்கள் எஸ்.ஏ.சிவசுப்பிரமணியம், எஸ்.டி.செந்தில்குமாா், ஓ.பி.சி. முன்னாள் மாவட்டத் தலைவா் சிவசங்கா், தெற்கு மண்டல் முன்னாள் பொதுச் செயலாளா் காா்மேகம், மூத்த நிா்வாகி பாலக்குமாா் உள்ளிட்ட பலா் கலந்துகொண்டனா்.