பெண்களுக்கு எதிரான பாலியல் தொந்தரவுகளை சகித்துக் கொள்ளக் கூடாது: சாா்பு-நீதிபதி ...
கொடைரோடு சுங்கச் சாவடியில் 2 காா்களில் வந்த 10 கொள்ளையா்களை தனிப் படை போலீஸாா் ஞாயிற்றுக்கிழமை கைது செய்தனா்.
திண்டுக்கல் மாவட்டம், கொடைரோடு சுங்கச் சாவடியில் தனிப் படை போலீஸாா் வாகன சோதனையில் ஈடுபட்டனா். அப்போது, திண்டுக்கல்லிலிருந்து மதுரை நோக்கி 2 காா்களில் சென்றவா்களை போலீஸாா் நிறுத்தி சோதனையிட்டனா். அப்போது, ஒரு காரில் வந்த சிலா் தப்பிக்க முயன்றனா். ஆனால், அந்தக் காா் லாரியில் மோதி விபத்துக்குள்ளானது.
இதையடுத்து, காரை ஓட்டி வந்த சுபாஷ்சந்திரபோஸை போலீஸாா் பிடிக்க முயன்றனா். அதற்குள் அவா் பிளேடால் கழுத்தை அறுத்துக் கொண்டு தற்கொலைக்கு முயன்றாா். இதில் காயமடைந்த அவரை போலீஸாா் மீட்டு, திண்டுக்கல் அரசு மருத்துவக் கல்லூரி மருத்துவமனையில் சோ்த்தனா்.
இந்த நிலையில் 2 காா்களில் வந்த 10 பேரை போலீஸாா் பிடித்து விசாரித்தனா். இதில், தூத்துக்குடி மாவட்டம், கோவில்பட்டி முகம்மது சாலியபுரம் 1-ஆவது தெருவைச் சோ்ந்த இறைச்சிக் கடை உரிமையாளா் முகம்மது சையது சுலைமான் வீட்டில் கடந்த 8-ஆம் தேதி 50 பவுன் தங்க நகைகள், ரூ.26 லட்சத்தைக் கொள்ளையடித்தவா்கள் என்பது தெரியவந்தது. இதையடுத்து, 10 பேரையும் போலீஸாா் கைது செய்து விசாரித்து வருகின்றனா்.
