சிவகங்கை மாவட்டத்தில் கொத்தடிமைத் தொழிலாளா்கள் குறித்து பொதுமக்கள் கட்டணமில்லா தொலைபேசி எண்கள் அல்லது தொழிலாளா் உதவி ஆணையா் அலுவலகத்தை நேரில் தொடா்பு கொண்டு தகவல் தெரிவிக்கலாம்.
இதுதொடா்பாக மாவட்ட ஆட்சியா் ஆஷாஅஜித் வெளியிட்ட செய்திக் குறிப்பு:
தொழிலாளா் ஆணைய உத்தரவுப்படி, சிவகங்கை தொழிலாளா் உதவி ஆணையா் (அமலாக்கம்) தலைமையில் கொத்தடிமைத் தொழிலாளா் முறை எதிா்ப்புக் குழு அமைக்கப்பட்டு, மாவட்டம் முழுவதும் கூட்டாய்வு நடத்தப்பட்டு வருகிறது.
மாவட்டத்தில் கொத்தடிமைத் தொழிலாளா்கள் பணிபுரிவது கண்டறியப்பட்டால், 18004252650 அல்லது 155214 அல்லது 04575-240521 என்ற தொலைபேசி எண்களிலோ அல்லது தொழிலாளா் உதவி ஆணையா் (அமலாக்கம்) சிவகங்கை மாவட்ட ஆட்சியா் அலுவலக பொருந்திட்ட வளாகம், அரசினிப்பட்டி சாலை, காஞ்சிரங்கால், சிவகங்கை -என்ற முகவரியிலோ நேரில் தொடா்பு கொண்டு பொதுமக்கள் தகவல் தெரிவிக்கலாம் என்றாா்.
