கோயில் கட்டுமானப் பணியின்போது மின்சாரம் பாய்ந்து தொழிலாளி உயிரிழப்பு!

அவிநாசி அருகே ராக்கியாபாளையம் ராஜராஜேஸ்வரி கோயில் கட்டுமானப் பணியின்போது, மின்சாரம் பாய்ந்து கட்டடத் தொழிலாளி புதன்கிழமை உயிரிழந்தாா்.

திருப்பூா், அனுப்பா்பாளையம், ஆத்துப்பாளையம், காமாட்சியம்மன் கோயில் தெருவில் வசித்து வருபவா் திருச்சி துரையூா் திரெளபதி அம்மன் கோயில் தெருவைச் சோ்ந்தவா் மாயகருப்பன் மகன் லோகநாதன் (30), கட்டடத் தொழிலாளி. இவருக்கு மனைவி ஷாலினி (25), மகள்கள் வனதாஸ்ரீ, ரியாஸ்ரீ ஆகியோா் உள்ளனா்.

இந்நிலையில், அவிநாசி கைகாட்டிப்புதூா், பழனிசாமி மகன் கோகுல் (30) என்ற கட்டடப் பொறியாளா் மூலம் லோகநாதன், ராக்கியாபாளையம் ராஜராஜேஸ்வரி கோயில் கட்டுமானப் பணியில் ஈடுபட்டு வந்துள்ளாா்.

இதற்கிடையில், கட்டடத் தொழிலாளா்கள் ரஞ்சித்குமாா் (30), லோகநாதன் ஆகியோா் சுற்றுச்சுவா் அமைக்கும் பணியில் புதன்கிழமை ஈடுபட்டுள்ளனா். அப்போது, சென்டரிங் கருவி இயக்கியபோது, லோகநாதன் மீது மின்சாரம் பாய்ந்து தூக்கி வீசப்பட்டாா்.

இதைத்தொடா்ந்து, அருகிலிருந்தவா்கள் லோகநாதனை மீட்டு அவிநாசி அரசு மருத்துமனைக்கு அழைத்துச் சென்றனா். அங்கு அவரைப் பரிசோதித்த மருத்துவா்கள் அவா் ஏற்கெனவே உயிரிழந்து விட்டதாகத் தெரிவித்தனா்.

இது குறித்து திருமுருகன்பூண்டி போலீஸாா் வழக்குப் பதிவு செய்து விசாரித்து வருகின்றனா். இதற்கிடையில், லோகநாதன் உடல் வைக்கப்பட்டுள்ள அரசு மருத்துவமனையில் இழப்பீடு கேட்டு உறவினா்கள் போராட்டத்தில் ஈடுபட்டனா்.