கோயில் காவலாளி கொலைச் சம்பவத்துக்கு முதல்வா் ஸ்டாலின் பொறுப்பேற்க வேண்டும்: பிரேமலதா

சிவகங்கை மாவட்டம், மடப்புரத்தில் கோயில் காவலாளி அஜித்குமாா் போலீஸாரால் அடித்துக் கொலை செய்யப்பட்ட சம்பவத்துக்கு தமிழக முதல்வா் மு.க.ஸ்டாலின் பொறுப்பேற்க வேண்டும் என தேமுதிக பொதுச் செயலா் பிரேமலதா தெரிவித்தாா்.

மடப்புரத்தில் கோயில் காவலாளி அஜித்குமாா் தனிப்படை போலீஸாரால் அடித்துக் கொலை செய்யப்பட்டதைக் கண்டித்து, திருப்புவனத்தில் சனிக்கிழமை தேமுதிக சாா்பில் ஆா்ப்பாட்டம் நடைபெற்றது.

இந்த ஆா்ப்பாட்டத்துக்கு கட்சியின் சிவகங்கை மாவட்டச் செயலா் திருவேங்கடம் தலைமை வகித்தாா். பொதுச் செயலா் பிரேமலதா ஆா்ப்பாட்டத்தில் பங்கேற்றுப் பேசியதாவது.

தமிழகத்தில் காவல் துறை காவு வாங்கும் துறையாக மாறிவிட்டது. மடப்புரம் கோயில் காவலாளி அஜித்குமாரை தனிப்படை போலீஸாா் அடித்துக் கொன்றனா். இந்தக் கொலை வழக்கில் கண் துடைப்பாக 5 போலீஸாரை கைது செய்திருக்கின்றனா். உண்மை நிலை என்ன என்பது மக்களுக்குத் தெரிய வேண்டும். நீதிபதிகள் உண்மையைக் கண்டறிந்து மக்களுக்கு தெரியப்படுத்த வேண்டும்.

இனிவரும் காலங்களில் யாரையும் விசாரணை என்ற பெயரில் போலீஸாா் அழைத்துச் சென்று கொலை செய்யப்படுவது தடுக்கப்பட வேண்டும். திமுக ஆட்சிக்கு வந்து கடந்த 4 ஆண்டுகளில் 24 காவல் துறை விசாரணைக் கைதிகள் கொலை செய்யப்பட்டனா்.

காவல் துறை முதல்வா் கையில் உள்ளது. இந்தக் கொலைச் சம்பவத்துக்கு முதல்வா் மு.க.ஸ்டாலின் பொறுப்பேற்க வேண்டும். இந்தச் சம்பவம் நிகழக் காரணமாக இருந்த நிகிதாவை காவல் துறையும், நீதிபதிகளும் விசாரிக்க வேண்டும்.

தமிழகம் போதை மாநிலமாக மாறிவிட்டது. இதைத் தடுக்க வேண்டிய அரசு வேடிக்கை பாா்க்கிறது. வரும் சட்டப்பேரவைத் தோ்தலில் மக்கள் நல்ல மாற்றத்தை தர வேண்டும். திமுக ஆட்சியின் அராஜகங்கள் ஒழிய வேண்டும். பெண்கள் நினைத்தால் மாற்றத்தை ஏற்படுத்த முடியும் என்றாா் அவா்.

முன்னதாக, ஆா்ப்பாட்டத்தில் பங்கேற்றவா்கள் போலீஸாரால் அஜித்குமாா் கொல்லப்பட்டதைக் கண்டித்தும், தமிழக அரசுக்கு எதிராகவும் முழக்கமிட்டனா். பின்னா், பிரேமலதா மடப்புரத்தில் உள்ள அஜித்குமாா் வீட்டுக்குச் சென்று அவரது குடும்பத்தினரை சந்தித்து ஆறுதல் தெரிவித்தாா்.