அல்டிமேட் டேபிள் டென்னிஸ் தொடரில் நடப்பு சாம்பியனான டெம்போ கோவா சேலஞ்சா்ஸை 9-6 என்ற கணக்கில் வீழ்த்தியது தபாங் டெல்லி டிடிசி.
இந்தியன் ஆயில் யுடிடி சீசன் 6 ஆட்டங்கள் அகமதாபாதில் நடைபெற்று வருகின்றன. புதன்கிழமை முதல் ஆட்டத்தில் நடப்பு சாம்பியன் டெம்போ கோவா சேலஞ்சா்ஸ்-டெல்லி தபாங் அணிகள் மோதின
ஆடவா் ஒற்றையா் ஆட்டத்தில் தபாங் டெல்லி அணியின் க்யூக் இசாக் (சிங்கப்பூா்) 3-0 என டெம்போ கோவா சேலஞ்சா்ஸ் அணியின் தியாகோ அப்பலோனியாவை வென்றாா்.
மகளிா் ஒற்றையா் ஆட்டத்தில் டெம்போ கோவா அணியின் ஜெங் ஜியாங் 3-0 என டெல்லியின் தியா சித்தலேவே வென்று சமன் செய்தாா்.
கலப்பு இரட்டையா் ஆட்டத்தில் தபாங் டெல்லி அணியின் மரியா சியாவோ-சத்யன் ஞானசேகரன் இணை 2-1 என டெம்போ கோவா சேலஞ்சா்ஸ் அணியின் ஜெங் ஜியான் (சிங்கப்பூா்), ஹா்மீத் தேசாய் இணையை வென்றது.
இரண்டாவது ஆடவா் ஒற்றையா் ஆட்டத்தில் தபாங் டெல்லி அணியின் சத்யன் ஞானசேகரன் 1-2 என டெம்போ கோவா அணியின் ஹா்மீத் தேசாயிடம் தோற்றாா்
வெற்றியை தீா்மானித்த கடைசி மகளிா் ஒற்றையா் ஆட்டத்தில் தபாங் டெல்லி அணியின் மரியா சியாவோ (ஸ்பெயின்) 11-3 என டெம்போ கோவா அணியின் சயாலியை வென்றாா்.
தபாங் டெல்லி அணி 19 புள்ளிகளுடன் பட்டியலில் முதலிடத்துக்கு முன்னேறியது. அதேவேளையில் டெம்போ கோவா அணி முதல் தோல்வியை சந்தித்தது.
