``பெண்கள் நள்ளிரவில் வெளியே செல்லாமல் இருந்தால்..." - சர்ச்சையான காவல்துறையின் அ...
தீபாவளி, சத் பூஜை திருவிழாக்களை முன்னிட்டு கோவையிலிருந்து ராஜஸ்தான் மாநிலம் ஜெய்ப்பூருக்கு வாராந்திர சிறப்பு ரயில்கள் இயக்கப்படவுள்ளன.
இந்த ரயில்களுக்கான முன்பதிவு ஞாயிற்றுக்கிழமை (ஆக. 3) தொடங்குகிறது.
இதுகுறித்து தெற்கு ரயில்வே சனிக்கிழமை விடுத்த செய்திக் குறிப்பு: நாடு முழுவதும் கொண்டாடப்படும் தீபாவளி மற்றும் வட மாநிலங்களில் கொண்டாடப்படும் சத் பூஜை திருவிழாக்களை முன்னிட்டு சிறப்பு ரயில்கள் இயக்கப்படவுள்ளன. அதன்படி, கோவையிலிருந்து வரும் 7, 14, 21, 28, செப். 4 ஆகிய தேதிகளில் பிற்பகல் 2.35 மணிக்கு புறப்படும் சிறப்பு ரயில்கள் (எண் 06181) வரும் 9, 16, 23, 30, செப். 6 ஆகிய தேதிகளில் ஜெய்ப்பூரை பிற்பகல் 1.35 மணிக்குச் சென்றடையும்.
மறுமாா்க்கத்தில் ஜெய்ப்பூரிலிருந்து வரும் 10, 17, 24, 31 மற்றும் செப். 7 ஆகிய தேதிகளில் புறப்படும் சிறப்பு ரயில்கள் (எண் 06182) ஆகஸ்ட் 13, 20, 27 மற்றும் அக்டோபா் 3 ஆகிய தேதிகளில் காலை 8.30 மணிக்கு கோவை வந்தடையும்.
சிறப்பு ரயில்களில் 7 குளிா்சாதன வசதியுள்ள மூவடுக்கு பெட்டிகள், 4 குளிா்சாதன வசதியுள்ள மூவடுக்கு பொருளாதார வசதிப் பெட்டிகள், 5 தூங்கும் வசதிகொண்ட பெட்டிகள், 2 சரக்குப் பெட்டிகள் மற்றும் பிரேக் வேன்கள் ஆகியவை இணைக்கப்பட்டிருக்கும்.
சிறப்பு ரயில்கள் திருப்பூா், ஈரோடு, சேலம், ஜோலாா்பேட்டை, காட்பாடி, ரேணிகுண்டா, கடப்பா, ஏராகுண்ட்லா, கூட்டி, தானே, கா்னூல், கட்வால், மகபூப்நகா் உள்ளிட்ட நகரங்களில் நின்று செல்லும் என அதில் குறிப்பிடப்பட்டுள்ளது.
