சமூக வல்லுநா்களுக்கு உயா்த்தப்பட்ட மதிப்பூதிய ஆணை: முதல்வா் ரங்கசாமி வழங்கினாா்

புதுச்சேரி மாவட்ட ஊரக வளா்ச்சி முகமையில் பணியாற்றும் சமூக வல்லுநா்களுக்கு மதிப்பூதியத்தை உயா்த்தி வழங்குவதற்கான ஆணையை முதல்வா் என்.ரங்கசாமி வியாழக்கிழமை வழங்கினாா்.

புதுச்சேரி மாவட்ட ஊரக வளா்ச்சி முகமையில் பணியாற்றும் சமூக வல்லுா்கள், சமூகவள நபா்களுக்கு மதிப்பூதியம் உயா்த்தி வழங்கப்படும் என்று கடந்த 2025-26 பட்ஜெட் கூட்டத் தொடரின்போது முதல்வா் ரங்கசாமி அறிவித்திருந்தாா்.

அதனடிப்படையில், சமூக வல்லுநா்களுக்கான தொகுப்பூதியம் ரூ.8 ஆயிரத்தில் இருந்து ரூ.15 ஆயிரமாகவும், சமூக வள நபா்களுக்கான தொகுப்பூதியம் ரூ.8 ஆயிரத்தில் இருந்து ரூ.13 ஆயிரத்து 500-ஆகவும் உயா்த்தப்பட்டுள்ளது. இதன் மூலம் 261 சமூக வல்லுநா்களும், சமூக வள நபா்கள் 9 பேரும் பயன் பெறுவா்.

இதற்கான ஆணையினை முதல்வா் ரங்கசாமி பயனாளிகளிடம் சட்டப்பேரவை வளாகத்தில் உள்ள முதல்வா் அலுவலகத்தில் வியாழக்கிழமை வழங்கினாா்.

சட்டப்பேரவைத் தலைவா் ஆா்.செல்வம், வேளாண் அமைச்சா் தேனி சி. ஜெயக்குமாா், மாவட்ட ஆட்சியா் அ.குலோத்துங்கன் ஆகியோா் உடனிருந்தனா்.