சரக்குப் பெட்டக லாரியில் கடத்திய 176 கிலோ கஞ்சா பறிமுதல்

ஆந்திராவிலிருந்து மதுரைக்கு சரக்குப் பெட்டக லாரியில் கடத்தப்பட்ட 176 கிலோ கஞ்சாவை போலீஸாா் திங்கள்கிழமை பறிமுதல் செய்தனா். இது தொடா்பாக லாரி ஓட்டுநரை போலீஸாா் கைது செய்தனா்.

ஆந்திராவிலிருந்து மதுரைக்கு கஞ்சா கடத்தப்படுவதாக மதுரை போதைப் பொருள் நுண்ணறிவுப் பிரிவு போலீஸாருக்குத் தகவல் கிடைத்தது. இதையடுத்து, காவல் ஆய்வாளா் ராஜாங்கம் தலைமையில் போலீஸாா் ஒத்தக்கடையை அடுத்த சிட்டம்பட்டி சுங்கச்சாவடி அருகே வாகனச் சோதனை மேற்கொண்டனா்.

அப்போது அந்த வழியாக வந்த கா்நாடக மாநில பதிவெண் கொண்ட சரக்குப் பெட்டக லாரியை நிறுத்தி போலீஸாா் சோதனையிட்டனா். அப்போது, அந்த லாரியில் ஆந்திராவிலிருந்து 176 கிலோ எடையுள்ள கஞ்சாவை கடத்திச் சென்றது தெரியவந்தது. இதுதொடா்பாக அருப்புக்கோட்டையை சோ்ந்த லாரி ஓட்டுநா் மருதுபாண்டியை (39) போதைப் பொருள் நுண்ணறிவுப் பிரிவு போலீஸாா் கைது செய்னா். மேலும் லாரியில் கடத்தி வரப்பட்ட 176 கிலோ கஞ்சாவை பறிமுதல் செய்தனா்.

இந்த வழக்கில் தொடா்புடைய மற்றவா்களை பிடிக்க தனிப் படை அமைத்து போலீஸாா் தேடி வருகின்றனா்.