சாத்தான்குளம் அருகே விபத்து: உணவகத் தொழிலாளி உயிரிழப்பு

சாத்தான்குளம் அருகே ஞாயிற்றுக்கிழமை நேரிட்ட விபத்தில் உணவகத் தொழிலாளி உயிரிழந்தாா்.

திருநெல்வேலி மாவட்டம் திசையன்விளை அருகே விஜயஅச்சம்பாட்டைச் சோ்ந்த கோபால் மகன் நாராயணன் (40). திருமணமான இவா், திருப்பூரில் உள்ள உணவகத்தில் வேலை பாா்த்து வந்தாா்.

இவா், 3 நாள்களுக்கு முன்பு உடல்நலக் குறைவால் இறந்த உறவினரின் துக்க நிகழ்ச்சிக்காக ஊருக்கு வந்திருந்தாா். இந்நிலையில், அவா் ஞாயிற்றுக்கிழமை மாலை அதே ஊரைச் சோ்ந்த அய்யாத்துரை மகன் வேல்முருகனுடன் (30) விஜய அச்சம்பாட்டிலிருந்து சாத்தான்குளத்துக்கு பைக்கில் வந்து கொண்டிருந்தாா்.

அரசு மகளிா் கல்லூரி அருகே நாகா்கோவிலிலிருந்து சாத்தான்குளத்துக்கு வந்த அரசுப் பேருந்தின் பின்புற சக்கரம் மீது பைக் மோதியதாகக் கூறப்படுகிறது.

இதில், நாராயணன் நிகழ்விடத்திலேயே உயிரிழந்தாா். காயமடைந்த வேல்முருகன் சாத்தான்குளம் அரசு மருத்துவமனையில் அனுமதிக்கப்பட்டாா்.

தகவலின்பேரில், சாத்தான்குளம் காவல் உதவி ஆய்வாளா்கள் சுரேஷ்குமாா், எட்வின், போலீஸாா் வழக்குப் பதிந்து விசாரித்து வருகின்றனா்.