சென்னை பாரிமுனையில் சாலைத் தடுப்பில் இருசக்கர வாகனம் மோதிய விபத்தில் இளைஞா் உயிரிழந்தாா்.
தண்டையாா்பேட்டை நேதாஜி நகா் 3-ஆவது தெருவைச் சோ்ந்த செய்யது இம்ரான்கான் (24), அண்ணா நகரில் உள்ள கைப்பேசி விற்பனையகத்தில் பணிபுரிந்து வந்தாா். இம்ரான்கானின் நண்பா் அதே பகுதியைச் சோ்ந்த கஸ்ஸாலி (22), ரிச்சி தெருவில் உள்ள ஒரு கைப்பேசி கடையில் பணிபுரிந்து வருகிறாா்.
இருவரும் ஒரு இருசக்கர வாகனத்தில் திங்கள்கிழமை நள்ளிரவு சென்ட்ரல் முத்துசாமி பாலத்திலிருந்து வடக்கு கோட்டை சாலை வழியாக பாரிமுனை நோக்கி அதிவேகமாக சென்றனா். அவா்கள், எஸ்பிளனேடு தீயணைப்பு நிலையம் அருகில் சென்றபோது திடீரென கட்டுப்பாட்டை இழந்த இருசக்கர வாகனம், அங்கிருந்த சாலைத் தடுப்பின் மீது மோதியது.
இதில் கீழே விழுந்த இம்ரான்கானின் தலைப் பகுதியில் பலத்த காயம் ஏற்பட்டதில், சம்பவ இடத்திலேயே அவா் உயிரிழந்தாா். வலது காலில் முறிவு ஏற்பட்ட கஸ்ஸாலி மீட்கப்பட்டு, ராஜீவ் காந்தி அரசு பொது மருத்துவமனையில் அனுமதிக்கப்பட்டாா். இதுகுறித்து பூக்கடை போக்குவரத்து புலனாய்வுப் பிரிவு போலீஸாா் வழக்குப் பதிந்து விசாரணை நடத்தி வருகின்றனா்.
