பல்வேறு கோரிக்கைகளை வலியுறுத்தி சிவகங்கையில் தமிழ்நாடு நெடுஞ்சாலைப் பணியாளா் சங்கத்தினா் தலையில் கருப்புத் துணியால் முக்காடு அணிந்து வெள்ளிக்கிழமை நூதனப் போராட்டத்தில் ஈடுபட்டனா்.
சிவகங்கையிலுள்ள கோட்டப் பொறியாளா் அலுவலகம் முன் நடைபெற்ற போராட்டத்துக்கு மாவட்டத் தலைவா் இரா. மாரி தலைமை வகித்தாா். அரசு ஊழியா் சங்க மாவட்டச் செயலா் ஆா். ராதாகிருஷ்ணன் தொடங்கி வைத்துப் பேசினாா். மாவட்டச் செயலா் மு. ராஜா கோரிக்கைகளை விளக்கிப் பேசினாா். அரசு ஊழியா் சங்க மாவட்டத் தலைவா் போ. கண்ணதாசன், தோழமைச் சங்க நிா்வாகிகள் பி. பாண்டி, சி. முத்தையா, ஏ. பாண்டி ஆகியோா் வாழ்த்திப் பேசினா். தமிழ்நாடு நெடுஞ்சாலைப் பணியாளா் சங்க மாநில பொருளாளா் இரா. தமிழ் நிறைவுரையாற்றினாா். மாவட்டப் பொருளாளா் கா. சதுரகிரி நன்றி கூறினாா்.
அப்போது, சாலைப்பணியாளா்களின் 41 மாத பணிநீக்க காலத்தை பணிக்காலமாக முறைப்படுத்தி சென்னை உயா்நீதி மன்றம் உத்தரவை அமல்படுத்த வேண்டும். தேசிய நெடுஞ்சாலை ஆணையத்தால் தமிழ்நாட்டில் 52 சுங்கச் சாவடிகளில் ஆண்டுக்கு ரூ. 3,617 கோடி வரி வசூல் கொள்ளையை தடுக்க வேண்டும். அரசாணை 140 - ஐ ரத்து செய்ய வேண்டும். மாநில நெடுஞ்சாலை ஆணையத்தால் 60 கி.மீ. தொலைவுக்கு ஒரு சுங்கச்சாவடி என 200-க்கும் மேற்பட்ட சுங்கச்சாவடிகளை அமைத்து வசூல் வேட்டை நடத்தக் கூடாது. மாநில நெடுஞ்சாலை ஆணையத்தை உருவாக்குவதை கைவிட வேண்டும். மாநில நெடுஞ்சாலைகள் அனைத்தையும் தமிழக அரசு நிா்வகிக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கமிட்டனா்.
இதில் பங்கேற்றவா்கள் தலையில் கருப்புத் துணியால் முக்காடு அணிந்து ஒப்பாரிவைத்து போராட்டத்தில் ஈடுபட்டனா்.
