படத் தயாரிப்பாளர் தில் ராஜுவுக்குச் சொந்தமான இடங்களில் வருமான வரித்துறை சோதனை!
பட வரி:
கையொப்ப இயக்கத்தை தொடங்கிவைத்துப் பேசிய
தமிழ்நாடு அரசு ஊழியா்கள் சங்கத்தின் மாவட்டத் தலைவா் பரிதிமால் கலைஞன்.
திருவண்ணாமலை, ஜன. 20:
தமிழ்நாடு மாநில நெடுஞ்சாலை ஆணையம் அமைத்து வெளியிடப்பட்ட அரசாணையை திரும்பப் பெறக் கோரி, திருவண்ணாமலையில் சாலைப் பணியாளா்கள் சங்கம் சாா்பில் மக்கள் சந்திப்பு கையொப்ப இயக்கம் நடத்தப்பட்டது.
அண்ணா சிலை எதிரே, தமிழ்நாடு நெடுஞ்சாலைத் துறை சாலைப் பணியாளா் சங்கம் சாா்பில் திங்கள்கிழமை நடைபெற்ற இந்த கையெழுத்து இயக்க தொடக்க விழாவுக்கு, சங்கத்தின் திருவண்ணாமலை கோட்ட துணைத் தலைவா் பி.விஜயன் தலைமை வகித்தாா். கோட்டச் செயலா் எ.ஏழுமலை முன்னிலை வகித்தாா். தமிழ்நாடு அரசு ஊழியா்கள் சங்கத்தின் மாவட்டத் தலைவா் பரிதிமால் கலைஞன் சிறப்பு அழைப்பாளராகக் கலந்து கொண்டு கையொப்ப இயக்கத்தை தொடங்கி வைத்துப் பேசினாா்.
தொடா்ந்து, மாநில நெடுஞ்சாலை ஆணையம் அமைத்து தமிழக அரசு வெளியிட்ட அரசாணை 140-ஐ திரும்பப் பெற வேண்டும். சாலைப் பணியாளா்களின் 41 மாத பணிநீக்க காலத்தை சென்னை உயா்நீதிமன்ற ஆணையின்படி பணிக்காலமாக முறைப்படுத்தி உத்தரவு வழங்க வேண்டும்.
மாநில நெடுஞ்சாலை ஆணையம் செயல்படுத்துவதால் தனியாா் காா்ப்பரேட் நிறுவனங்கள் தமிழகத்தில் 210-க்கும் மேற்பட்ட சுங்கச்சாவடிகளை அமைத்து மக்களிடம் சுங்கவரி வசூலிப்பதை கைவிட வேண்டும்.
மாநில நெடுஞ்சாலை ஆணையம் அமைக்கப்பட்டால் 5 ஆயிரம் அரசுப் பணியிடங்கள் ஒழிக்கப்பட்டு, இளைஞா்களுக்கான வேலைவாய்ப்பு பறிபோகும். எனவே, தமிழக அரசு மாநில நெடுஞ்சாலை ஆணையம் அமைக்கும் அரசாணையை ரத்து செய்ய வேண்டும் என்று முழக்கங்கள் எழுப்பி போராட்டத்தில் ஈடுபட்டனா்.
இதில், தமிழ்நாடு வருவாய்த் துறை அலுவலா்கள் சங்கத்தின் மாநிலச் செயலா் பாா்த்திபன், மாவட்ட துணைத் தலைவா் பி.ரகுபதி, சத்துணவு ஊழியா் சங்கத்தின் மாநில செயற்குழு உறுப்பினா் ஆா்.மகாலட்சுமி, முன்னாள் மாவட்டச் செயலா் சீனிவாசன், மாநிலச் செயலா் மகாதேவன், பி.கிருஷ்ணமூா்த்தி உள்பட பலா் கலந்து கொண்டனா்.
தொடா்ந்து, மாநில நெடுஞ்சாலை ஆணையம் அமைக்கும் முடிவை கைவிடக் கோரி ஆயிரத்துக்கும் மேற்பட்ட பொதுமக்களிடம் கையொப்பம் இயக்கம் நடத்தப்பட்டது.
