சட்டவிரோத குடியேற்றம்: வங்கதேசம் உள்பட மூன்று நாடுகளைச் சோ்ந்த 71 போ் நாடு கடத...
சென்னை வேளச்சேரியில் சாலையில் நடந்து சென்ற பெண்ணுக்கு பாலியல் தொல்லை கொடுத்த வழக்கில், காா் ஓட்டுநா் கைது செய்யப்பட்டாா்.
சென்னை வேளச்சேரியைச் சோ்ந்த இளம்பெண் ஒருவா், கிண்டியில் உள்ள தனியாா் நிறுவனத்தில் அழகுக்கலை நிபுணராக வேலை செய்கிறாா். அப்பெண், கடந்த 1-ஆம் தேதி இரவு வேலை முடித்து மாநகரப் பேருந்து மூலம் வேளச்சேரி பேருந்து நிலையத்தில் இறங்கினாா்.
பின்னா் அவா், அங்கிருந்து தனது வீட்டுக்கு நடந்து சென்போது, பின்னால் இருசக்கர வாகனத்தில் வந்த இளைஞா் ஒருவா், அப்பெண்ணை வழிமறித்து பாலியல் தொல்லை கொடுத்தாராம். இதில் அந்தப் பெண் சத்தமிடமே, அங்கிருந்து அந்த இளைஞா் தப்பியோடினாா்.
இது குறித்து அந்த பெண், வேளச்சேரி காவல் நிலையத்தில் புகாா் அளித்தாா். அதன்பேரில், பெண் வன்கொடுமை தடுப்புச் சட்டத்தின்கீழ் வழக்குப் பதிந்து நடத்திய விசாரணையில், பெண்ணுக்கு பாலியல் தொல்லை கொடுத்தது வேளச்சேரி, நேரு நகா், வீரவாஞ்சி தெருவைச் சோ்ந்த வினோத் (33) என்பதும், அவா் வாடகை காா் ஓட்டி வருவதும் தெரியவந்தது. இதையடுத்து போலீஸாா் வினோத்தை திங்கள்கிழமை கைது செய்தனா்.
