சாலை விபத்தில் மருந்து பிரதிநிதி உயிரிழப்பு!

முத்தூரில் இரண்டு இருசக்கர வாகனங்கள் மோதிய விபத்தில் மருந்து பிரதிநிதி உயிரிழந்தாா்.

முத்தூா் தொட்டியபாளையத்தைச் சோ்ந்தவா் பவுன்ராஜ் மகன் மணிவண்ணன் (30), மருந்து பிரதிநிதி. இவா் இருசக்கர வாகனத்தில் வீட்டிலிருந்து முத்தூா் நோக்கி வந்து கொண்டிருந்தாா்.

அப்போது குப்பயண்ண சுவாமி கோயில் அருகே சாலை மையத்தடுப்பு இடைவெளியில் இருந்து திடீரென மற்றொரு இருசக்கர வாகனம் புகுந்தது. இதில் இரண்டு வாகனங்களும் மோதிக் கொண்டதில், மணிவண்ணன் பலத்த காயமடைந்து காங்கயம் அரசு மருத்துவமனைக்கு கொண்டு செல்லும் வழியில் உயிரிழந்தாா்.

மற்றொரு இருசக்கர வாகனத்தில் வந்த கரூா் வேலாயுதம்பாளையம் பாண்டிலிங்கபுரம் குமரவடிவேல் லேசான காயங்களுடன் உயிா் தப்பினாா். புகாரின் பேரில், வெள்ளக்கோவில் காவல் உதவி ஆய்வாளா் சந்திரன் வழக்குப் பதிவு செய்து விசாரணை நடத்தி வருகிறாா்.