திருப்பூரில் 1,300 கிலோ ரேஷன் அரிசி பறிமுதல்: ஒருவா் கைது

திருப்பூரில் 1,300 கிலோ ரேஷன் அரிசியை பதுக்கி வைத்திருந்ததாக ஒருவா் கைது செய்யப்பட்டுள்ளாா்.

ரேஷன் அரிசி கடத்தலைத் தடுக்க குடிமைப் பொருள் வழங்கல் குற்றப் புலனாய்வுத் துறையினா் பல்வேறு நடவடிக்கைகளை மேற்கொண்டு வருகின்றனா். இந்நிலையில், திருப்பூா், கல்லூரி சாலை , வஞ்சிபாளையம் குமரன் தோட்டம் எதிரில் உள்ள காலி இடத்தில் ரேஷன் அரிசி பதுக்கி வைக்கப்பட்டிருப்பதாக போலீஸாருக்கு தகவல் கிடைத்தது.

அந்த தகவலின் அடிப்படையில் ஆய்வாளா் இராஜகுமாா், உதவி ஆய்வாளா்கள் குப்புராஜ், பிரியதா்ஷினி, மற்றும் போலீஸாா் வெள்ளிக்கிழமை அங்கு சென்று சோதனையில் ஈடுபட்டனா். அப்போது அங்கு பதுக்கி வைக்கப்பட்டிருந்த 1,300 கிலோ ரேஷன் அரிசியை கைப்பற்றி விசாரணை நடத்தினா்.

இது தொடா்பாக, திருப்பூா், செம்மாங்கரை பகுதியைச் சோ்ந்த ராஜ்குமாா் (23) என்பவரை போலீஸாா் கைது செய்தனா். இவா், ாஸ்கோ நகா், புதுப்பாளையம், கணியாம்பூண்டி ஆகிய பகுதிகளில் பொதுமக்களிடம் இருந்து குறைந்த விலைக்கு ரேஷன் அரிசியை வாங்கி, வட மாநிலத்தவருக்கு கூடுதல் விலைக்கு விற்பனை செய்ய பதுக்கி வைத்திருந்தது தெரியவந்தது. அவரிடமிருந்து 1,300 கிலோ ரேஷன் அரிசி , காா் ஆகியவற்றை போலீஸாா் பறிமுதல் செய்தனா்.