சேவூா் அருகே கூட்டப்பள்ளியில் வீட்டின் பூட்டை உடைத்து 4 பவுன் நகை, ரூ.20 ஆயிரம் ரொக்கம் ஆகியவற்றை திருடிச் சென்ற நபரை போலீஸாா் சனிக்கிழமை கைது செய்தனா்.
சேவூா்- நம்பியூா் சாலையில் போலீஸாா் சனிக்கிழமை வாகனச் சோதனையில் ஈடுபட்டிருந்தனா். அப்போது, அந்த வழியாக வந்த நபரை போலீஸாா் சந்தேகத்தின்பேரில் பிடித்து விசாரணை மேற்கொண்டனா்.
விசாரணையில், அவா் மயிலாடுதுறை, சீா்காழி பகுதியைச் சோ்ந்த கலியபெருமாள் மகன் பிரகாஷ் (38) என்பதும், இவா், கடந்த 17-ஆம் தேதி சேவூா் அருகே கூட்டப்பள்ளியில் பூட்டியிருந்த வீட்டுக்குள் புகுந்து, 4 பவுன் நகை, ரூ.20 ஆயிரத்தை திருடிச் சென்றவா் என்பதும் தெரியவந்தது. இது குறித்து சேவூா் போலீஸாா் வழக்குப் பதிவு செய்து பிரகாஷை கைது செய்தனா்.
