கடலூா் மாவட்டம், சிதம்பரம் நகராட்சிப் பகுதியில் மேற்கொள்ளப்பட்டு வரும் பல்வேறு வளா்ச்சித் திட்டப் பணிகளை மாவட்ட ஆட்சியா் சிபி ஆதித்யா செந்தில்குமாா் வியாழக்கிழமை நேரில் பாா்வையிட்டு ஆய்வு செய்தாா்.
பின்னா், ஆட்சியா் கூறியதாவது: சிதம்பரம் நகராட்சியில் ரூ.1.9 கோடி மதிப்பீட்டில் கட்டப்பட்டுள்ள அறிவுசாா் மையம் தமிழக முதல்வரால் அண்மையில் திறந்து வைக்கப்பட்டது. இதில், போட்டித் தோ்வுகளுக்கு தயாராகும் தோ்வா்களுக்குத் தேவையான புத்தகங்கள், திறன்மிகு வகுப்பறை, சிறந்த உள்கட்டமைப்பு வசதிகள் உள்ளன. இதை போட்டித் தோ்வா்கள் பயன்படுத்திக்கொள்ள வேண்டும்.
கடலூா் மாவட்ட சரவணபவ நுகா்வோா் கூட்டுறவு மொத்த விற்பனை பண்டகசாலை நிறுவனத்தின் கீழ் இயங்கும் சிதம்பரம் லால்கான் வீதியிலுள்ள நியாயவிலைக் கடையில் குடும்ப அட்டைதாரா்களுக்கு வழங்கவுள்ள பொருள்களின் இருப்பு மற்றும் தரம் குறித்து ஆய்வு மேற்கொள்ளப்பட்டது.
சிதம்பரம் மருத்துவக் கல்லூரி மருத்துவமனையில் ஆய்வு செய்யப்பட்டு, மருத்துவமனை வளாகம், வாா்டுகள், கழிப்பறைகளை தூய்மையாகப் பராமரிக்க அலுவலா்களுக்கு அறிவுறுத்தப்பட்டது.
சிதம்பரம் நகராட்சி பழைய பேருந்து நிலையத்தை அனைத்து அடிப்படை வசதிகளுடன் மேம்படுத்திடும் பொருட்டு, அங்கு ரூ.15 கோடி மதிப்பீட்டில் நடைபெற்று வரும் கட்டுமானப் பணிகள், சிதம்பரம் நந்தனாா் அரசு ஆண்கள் பள்ளியில் மாணவா்களுக்கு வழங்கப்படும் மதிய உணவின் தரம், சிதம்பரம் மாற்றுத் திறனாளிக்கான சிறப்புப் பள்ளியில் மாணவா்களுக்கான கற்பித்தல் முறைகள் குறித்து ஆய்வு செய்யப்பட்டது.
தட்சன் குளம் ரூ.95 லட்சம் மதிப்பீட்டில் சுற்றுப்புற சுவா்கள் மேம்படுத்தப்பட்டு குளத்திலுள்ள செடிகள் அகற்றப்பட்டு, பொதுமக்கள் வந்து பாா்வையிட்டு செல்லும் வண்ணம் அழகுபடுத்தப்பட உள்ளது. இந்தப் பணிகளை விரைந்து முடிக்க அலுவலா்களுக்கு அறிவுறுத்தப்பட்டுள்ளது என்றாா் ஆட்சியா் சிபி ஆதித்யா செந்தில்குமாா்.
ஆய்வின்போது, மாற்றுத் திறனாளி நல அலுவலா் பாபு, சிதம்பரம் நகராட்சி ஆணையா் டி.மல்லிகா, பொறியாளா் சுரேஷ் உள்ளிட்ட பலா் உடனிருந்தனா்.
