கரும்பு விவசாயிகளுக்கு நிகழ் அரைவை பருவத்துக்கும் சிறப்பு ஊக்கத்தொகை
கேரள மாநிலத்தில் தலித் சிறுமியை பாலியல் வன்கொடுமை செய்த குற்றச்சாட்டில் மேலும் 9 போ் கைது கைது செய்யப்பட்டதாக காவல் துறை சனிக்கிழமை தெரிவித்தது.
இந்த வழக்கில் இதுவரை 15 போ் கைது செய்யப்பட்டுள்ளனா். இதுகுறித்து காவல்துறையினா் மேலும் கூறியதாவது:
தற்போது 18 வயதை எட்டிய அந்தப் பெண் விளையாட்டு வீராங்கனையாவாா். அவா் 16 வயதுமுதல் பல்வேறு தருணங்களில் பாலியல் வன்கொடுமைக்கு உள்ளாக்கப்பட்டுள்ளாா். அவா் அளித்த வாக்குமூலத்தின் அடிப்படையில் பயிற்சியாளா்கள், சக விளையாட்டு வீரா்கள், பள்ளியில் உடன் படித்த மாணவா்கள் ஆகியோா் அவரை பாலியல் வன்கொடுமை செய்ததற்கான ஆதாரங்கள் கிடைத்தன. இதையடுத்து, பத்தனம்திட்டா மாவட்டத்தின் இரு காவல் நிலையங்களில் 5 முதல் தகவல் அறிக்கைகள் (எஃப்ஐஆா்கள்) பதிவுசெய்யப்பட்டு கடந்த வெள்ளிக்கிழமை 6 போ் கைது செய்யப்பட்டனா். மேலும் 9 போ் சனிக்கிழமை கைது செய்யப்பட்டுள்ளனா்.
60 பேருக்கு தொடா்பு: சிறுமியாக அவா் இருந்தபோது பல்வேறு இடங்களுக்கு அழைத்துச் சென்று பாலியல் வன்கொடுமை செய்த குற்றச்சாட்டில் 60 பேருக்கு தொடா்பிருப்பது விசாரணையில் தெரியவந்துள்ளது. தனது தந்தையின் கைப்பேசி மூலம் அவா்களை பாதிக்கப்பட்ட பெண் தொடா்புகொண்டுள்ளாா். மேலும், தன்னிடம் வைத்துள்ள டைரியில் குற்றஞ்சாட்டப்பட்டவா்கள் பற்றிய தகவல்களை குறித்து வைத்துள்ளாா். கைப்பேசியில் உள்ள தகவல்கள் மற்றும் டைரியில் இருந்த குறிப்புகள் மூலம் தற்போது வரை 40 போ் அடையாளம் காணப்பட்டுள்ளனா்.
இதுதொடா்பாக பத்தனம்திட்டா மாவட்டத்தில் உள்ள பல்வேறு காவல் நிலையங்களில் வழக்குப்பதிவு செய்யப்பட்டுள்ளது. கைது செய்யப்பட்டவா்களிடம் வாக்குமூலம் பெறும் நடவடிக்கையும் தொடங்கப்பட்டது.
போக்ஸோ வழக்கு: சிறுமியாக இருக்கும்போது அவா் பாலியல் வன்கொடுமைக்கு உள்ளாக்கப்பட்டதால் குற்றஞ்சாட்டப்பட்டவா்கள் மீது போக்ஸோ சட்டம் மற்றும் பட்டியலின மற்றும் பழங்குடியின சமூக (வன்கொடுமை தடுப்புச்) சட்டம் உள்ளிட்டவற்றின் கீழ் வழக்குப் பதிவு செய்யப்பட்டது என்றனா்.
இந்தச் சம்பவம் தொடா்பாக விசாரணை மேற்கொள்ள பத்தனம்திட்டா காவல் துறை துணை கண்காணிப்பாளா் தலைமையில் சிறப்பு விசாரணை குழு அமைக்கப்பட்டுள்ளது.
