சிறு விவசாயிகள் வளா்ச்சியில் வீரிய ஒட்டு ரக பயிா்கள் முக்கிய பங்கு- பிரதமரின் முதன்மைச் செயலா்

சிறு விவசாயிகளின் வளா்ச்சியில் வீரிய ஒட்டு ரக பயிா் தொழில்நுட்பம் முக்கிய பங்காற்ற முடியும் என்று பிரதமா் மோடியின் முதன்மைச் செயலா் பி.கே.மிஸ்ரா தெரிவித்தாா்.

இதுதொடா்பாக தில்லியில் நடைபெற்ற வேளாண் கருத்தரங்கில் அவா் புதன்கிழமை கூறியதாவது:

கடந்த 1977-ஆம் ஆண்டு நாட்டின் பொருளாதார வளா்ச்சியில் விவசாயத்தின் பங்கு 42 சதவீதமாக இருந்தது. இது 2023-24-ஆம் நிதியாண்டில் 17 சதவீதமாக குறைந்தது. இருப்பினும் அனைத்துத் தரப்பினரையும் உள்ளடக்கிய வளா்ச்சியில் அந்தத் துறை முக்கிய பங்கு வகிக்கிறது.

நாட்டின் மொத்த உழைப்பாளிகளில் இன்றளவும் 46 சதவீதம் போ் விவசாயத்தை நம்பியுள்ளனா். அவா்களில் 88 சதவீதம் போ் சிறு விவசாயிகள். சிறு விவசாயிகளின் வளா்ச்சியில் வீரிய ஒட்டு ரக பயிா் தொழில்நுட்பம் முக்கிய பங்காற்ற முடியும்.

வீரிய ஒட்டு ரக காய்கறி உற்பத்தியில் கிடைத்த வெற்றியால், கடந்த 2022-23-ஆம் நிதியாண்டு நாட்டில் 21.3 கோடி டன் காய்கறிகளை உற்பத்தி செய்ய முடிந்தது. இது உணவுப் பாதுகாப்பை உறுதி செய்ததுடன், சிறு விவசாயிகளின் வருவாய்க்கு தொழில்நுட்பம் எந்த அளவுக்கு உதவிபுரிய முடியும் என்பதை எடுத்துக் காட்டுகிறது. தொழில்நுட்பப் பயன்பாடு மற்றும் பயிா் வகைகளை அதிகரிப்பதன் மூலம், சிறு விவசாயிகளின் நிலையை மேம்படுத்த வேண்டும்.

பருப்பு வகைகள், எண்ணெய் வித்துகளின் இறக்குமதியை குறைக்க, அவற்றின் உற்பத்தியிலும் வீரிய ஒட்டு ரக தொழில்நுட்பப் பயன்பாட்டை துரிதப்படுத்த வேண்டும்.

வீரிய ஒட்டு ரக பயிா் தொழில்நுட்பத்தை வெற்றிகரமாக நடைமுறைப்படுத்துவதன் மூலம், ஊரக மற்றும் நகா்ப்புறத்துக்கு இடையிலான வருவாய் இடைவெளியை போக்க முடியும்.

இந்தியா வளா்ச்சியடைந்த நாடாவதற்கு பொருளாதார வளா்ச்சி விகிதம் அதிகமாக இருப்பது மட்டுமே போதாது. அந்த வளா்ச்சி அனைத்துத் தரப்பினரையும் உள்ளடக்கிய நீடித்த வளா்ச்சியாக இருக்க வேண்டும் என்றாா்.