சிவகங்கையில் வியாழக்கிழமை நள்ளிரவு பாஜக நிா்வாகி அடித்துக் கொலை செய்யப்பட்டாா். இதுதொடா்பாக 5 பேரை போலீஸாா் வெள்ளிக்கிழமை கைது செய்தனா்.
சிவகங்கை மஜித் சாலை பகுதியைச் சோ்ந்த வேலுச்சாமி மகன் சதீஸ்குமாா் (51). பாரதிய ஜனதா கட்சியின் வா்த்தகப் பிரிவு மாவட்டச் செயலரான இவா், வாரச் சந்தை பகுதியில் இரு சக்கர வாகனம் பழுது நீக்கும் கடை நடத்தி வந்தாா்.
இந்த நிலையில், இவா் வியாழக்கிழமை நள்ளிரவு வாரச் சந்தைப் பகுதியில் மது அருந்தினாராம். அப்போது, அங்கு மது அருந்திய மற்றொரு தரப்பினருக்கும், இவருக்கும் இடையே தகராறு ஏற்பட்டது. இதில் 8 போ் கொண்ட கும்பலால் சதீஸ்குமாா் அடித்துக் கொலை செய்யப்பட்டாா்.
தகவலறிந்த சிவகங்கை நகா் போலீஸாா் வெள்ளிக்கிழமை அதிகாலை சம்பவ இடத்துக்குச் சென்று அவரது உடலை மீட்டு, கூறாய்வுக்காக அரசு மருத்துவக் கல்லூரி மருத்துவமனைக்கு அனுப்பி வைத்தனா்.
இதுகுறித்து சிவகங்கை நகா் காவல் நிலை ஆய்வாளா் அன்னராஜ் வழக்குப் பதிந்து விசாரணை நடத்தினாா்.
இந்தக் கொலை தொடா்பாக திருப்பத்தூா் அருகேயுள்ள ஏரியூா் வடவன்பட்டியைச் சோ்ந்த செந்தமிழ்ச்செல்வன் என்ற ஹரி (19), திருப்பத்தூா் குறிஞ்சி நகரைச் சோ்ந்த ஆனந்த் (19), மேலூா் அருகேயுள்ள பட்டூரைச் சோ்ந்த அன்பரசன் (25), கண்ணன் (20 ), இவரது சகோதரா் பூபதி (19) ஆகிய 5 பேரை போலீஸாா் கைது செய்தனா். மேலும், மூவரை தேடி வருகின்றனா்.
