செய்திகள் :

சி.என்.ஜி ஆட்டோக்களை மறித்து தகராறு ஆட்டோ ஓட்டுநா்கள் மீது புகாா்

post image

பெரம்பலூரில் புதிதாக அனுமதி அளிக்கப்பட்டு பயணிகளை ஏற்றிச்சென்ற சி.என்.ஜி ஆட்டோக்களை, இதர ஆட்டோ ஓட்டுநா்கள் மறித்ததால் புதன்கிழமை போக்குவரத்து பாதிக்கப்பட்டது.

பெரம்பலூா் நகரில் 5 பேரை மட்டும் ஏற்றிச் செல்லக் கூடிய 37 ஷோ் ஆட்டோக்களும், உரிய நிறுத்தங்களில் நிறுத்தி, பயணிகளை ஏற்றிச் செல்லக்கூடிய சுமாா் 450-க்கும் மேற்பட்ட 3+1 வகை ஆட்டோக்கள் சட்டவிரோதமாக கூடுதல் இருக்கைகளுடன் இயங்கி வருகின்றன. இந்த ஆட்டோக்கள் அனைத்தும் பெரம்பலூா் நகரில் அளவுக்கு அதிகமாக இயக்கப்படுவதால் போக்குவரத்து நெரிசல் ஏற்படுவதோடு, அடிக்கடி விபத்துகளும் நிகழ்ந்து வருகிறது.

சிஐடியு சங்கத்தைச் சோ்ந்த 3+1 ஆட்டோ ஓட்டுநா்கள், சி.என்.ஜி ஆட்டோக்களை பெரம்பலூா் மாவட்டத்தில் ஓட்டுவதற்கு அனுமதி அளிக்கக் கூடாது. வெளி மாவட்ட பதிவு எண் கொண்ட ஆட்டோக்களில் பயணிகளை ஏற்றிச் செல்லக்கூடாது. தங்களது பெட்ரோல் ஆட்டோக்களை சி.என்.ஜி ஆட்டோக்களாக மாற்றுவதற்கு அரசு மானியம் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கடந்த சில மாதங்களாக போராட்டங்களில் ஈடுபட்டுவந்தனா்.

இந்நிலையில் மத்திய, மாநில அரசுகளின் உத்தரவின்படி பெரம்பலூா் மாவட்டத்தில் முதல்கட்டமாக 10 சி.என்.சி ஆட்டோக்களுக்கு அனுமதி வழங்கப்பட்டு, கடந்த 10 நாள்களாக இயக்கப்படுகிறது. இந்த நிலையில், புறநகா் பேருந்து நிலையம் பகுதியில் பயணிகளை ஏற்றிச்சென்ற சிஎன்ஜி ஆட்டோக்களை புதன்கிழமை வழிமறித்த ஆட்டோ ஓட்டுநா்கள் சங்கத்தினா், சிஎன்ஜி ஆட்டோக்களை இயக்கக் கூடாது எனத் தகராறில் ஈடுபட்டதோடு, ஓட்டுநா்களை தகாத வாா்த்தைகளால் திட்டியுள்ளனா். இதுகுறித்து தகவறிந்த பெரம்பலூா் நகரப் போலீஸாா் பேச்சுவாா்த்தை மேற்கொண்டு சமாதானப்படுத்தினா். இதுகுறித்து, சிஎன்ஜி ஆட்டோ ஓட்டுநா்கள் பெரம்பலூா் துணைக் கண்காணிப்பாளரிடம் புகாா் அளித்துள்ளனா். இச் சம்பவத்தால், அப்பகுதியில் சிறிதுநேரம் போக்குவரத்து பாதிக்கப்பட்டது.

குடும்பத் தகராறில் மனைவி தூக்கிட்டுத் தற்கொலை

பெரம்பலூா் அருகே குடும்பத் தகராறில் கணவன் விஷம் குடித்ததையறிந்த மனைவி தூக்கிட்டு வியாழக்கிழமை தற்கொலை செய்துகொண்டாா். பெரம்பலூா் மாவட்டம், குன்னம் அருகேயுள்ள அசூா் கிராமத்தைச் சோ்ந்தவா் இளவரசன் (33).... மேலும் பார்க்க

பெரம்பலூா் அருகே வீடு புகுந்து பெண்ணிடம் 8 பவுன் நகைகள் பறிப்பு

பெரம்பலூா் அருகே புதன்கிழமை இரவு பெண்ணை தாக்கி 8 பவுன் நகையை மா்ம நபா்கள் திருடிச்சென்றனா். பெரம்பலூா் மாவட்டம், பென்னகோணம் அருகேயுள்ள ஒகளூா் அய்யனாா் கோயில் தெருவைச் சோ்ந்தவா் வேல்முருகன் மனைவி அருள... மேலும் பார்க்க

பாலமுருகன் கோயிலில் பங்குனி உத்திர திருவிழா தொடக்கம்

பெரம்பலூா் - எளம்பலூா் சாலையில் அமைந்துள்ள பாலமுருகன் கோயிலில் 46-ஆம் ஆண்டு பங்குனி உத்திர திருவிழா வியாழக்கிழமை தொடங்கியது. விழாவையொட்டி, புதன்கிழமை இரவு அனுக்கை, விக்னேஸ்வர பூஜை மற்றும் வாஸ்துசாந்தி... மேலும் பார்க்க

பழைய ஓய்வூதியத் திட்டத்தை அமல்படுத்தக் கோரி ஆா்ப்பாட்டம்

பழைய ஓய்வூதியத் திட்டத்தை அமல்படுத்த வேண்டும் என்பன உள்ளிட்ட 10 அம்ச கோரிக்கைகளை வலியுறுத்தி, பெரம்பலூா் ஆட்சியா் அலுவலகம் எதிரே, தமிழ்நாடு அனைத்து அரசு அலுவலா்கள், ஆசிரியா்கள் மற்றும் உள்ளாட்சிப் பணி... மேலும் பார்க்க

பெரம்பலூா், அரியலூா் மாவட்ட மின் நுகா்வோா்களுக்கு நாளை சிறப்பு முகாம்

பெரம்பலூா் மின் பகிா்மான வட்டத்தின் கட்டுப்பாட்டில் இயங்கி வரும் அரியலூா் மற்றும் பெரம்பலூா் கோட்ட நுகா்வோா்களுக்கு சனிக்கிழமை (ஏப். 5) சிறப்பு முகாம் நடைபெற உள்ளது. இதுகுறித்து, பெரம்பலூா் மின் பகிா... மேலும் பார்க்க

புதிய சிற்றுந்து சேவைக்கு விண்ணப்பித்தோா் குலுக்கல் முறையில் தோ்வு

புதிய சிற்றுந்து சேவைத் திட்டம் 2024-இன் கீழ் பெரம்பலூா் மாவட்டத்தில் இயக்கப்படவுள்ள 16 வழித்தடங்களில், ஒரு வழித்தடத்துக்கு ஒன்றுக்கும் மேற்பட்ட நபா்கள் விண்ணப்பித்த வழித்தடங்களுக்கு, குலுக்கல் முறையி... மேலும் பார்க்க