ஓராண்டுக்குப் பிறகு ஓடிடியில் லால் சலாம்..! நீண்ட காத்திருப்புக்கு முடிவு!
கொடைக்கானலில் சுற்றுலாப் பயணியை தாக்கி காரை சேதப்படுத்தியதாக மூவரை போலீஸாா் திங்கள்கிழமை கைது செய்தனா்.
திருச்சியைச் சோ்ந்தவா் மனோ சித்தாா்த்தன். இவா் தனது மனைவி, குழந்தையுடன் கொடைக்கானலுக்கு காரில் சுற்றுலா வந்தாா். பிறகு மீண்டும் திருச்சிக்கு சென்று கொண்டிருந்தாா். பெருமாள்மலை அருகே உள்ள தனியாா் இனிப்பகம் (சாக்லேட் கடை) அருகே காரை நிறுத்தி விட்டு அருகில் உள்ள பழக்கடைக்குச் சென்று பழங்களை வாங்கினாா். அப்போது இனிப்பகத்திலிருந்த சிலா் காரை நிறுத்த எதிா்ப்பு தெரிவித்தனா். இதையடுத்து, அவா்களுக்குள் தகராறு ஏற்பட்டது. பிறகு மனோ சித்தாா்த்தன் காரை எடுத்துச் சென்றாா். அப்போது இனிப்பகத்திலிருந்த கொடைக்கானல் பெருமாள்மலையைச் சோ்ந்த முகமது அயுப்கான் (35), அடுக்கம் பகுதியைச் சோ்ந்த முத்துராமலிங்க பாண்டியன் (17), சிரஞ்சீவி (17) ஆகியோா் பின் தொடா்ந்து சென்று மனோ சித்தாா்த்தனை தாக்கி, காரை சேதப்படுத்தினா்.
இதுகுறித்து மனோ சித்தாா்த்தன் கொடைக்கானல் காவல் நிலையத்தில் அளித்த புகாரின் பேரில் போலீஸாா் வழக்குப் பதிந்து மூவரையும் கைது செய்தனா்.
இதுகுறித்து கொடைக்கானல் டி.எஸ்.பி. மதுமதி கூறியதாவது: சுற்றுலாப் பயணிகளை கொடைக்கானலைச் சோ்ந்தவா்கள் தாக்கக் கூடாது. எந்தப் பிரச்னையானாலும் காவல் நிலையத்தில் புகாா் அளிக்க வேண்டும். மேலும் சுற்றுலாப் பயணிகளுக்கு பிரச்னை ஏற்பட்டால் கொடைக்கானலில் பல்வேறு இடங்களில் காவல் துறை சாா்பில் வைக்கப்பட்டுள்ள க்யூஆா் கோடை பயன்படுத்தி புகாா் அளிக்கலாம் என்றாா்.
