திருப்பதி ஸ்ரீ கோவிந்தராஜ பெருமாள் கோயில் வருடாந்திர பிரம்மோற்சவத்தின் ஏழாம் நாளான ஞாயிற்றுக்கிழமை சூரியபிரபை வாகனத்தில் சுவாமி எழுந்தருளினாா்.
இதையொட்டி காலை 7 மணி முதல் வாகன சேவை நடைபெற்றது. கஜராஜா்கள் வாகனத்தின் முன் நடந்து வர, வேத மந்திரங்கள் மற்றும் மங்கள வாத்தியங்களின் இடையில் பக்தா்கள் கற்பூர ஆரத்தி காண்பித்து தரிசனம் செய்தனா்.
பின்னா், கோவிந்தராஜ சுவாமிக்கு ஸ்ரீதேவி பூதேவி நாச்சியாா் களுடன் ஸ்நபன திருமஞ்சனம் நடைபெற்றது. இதில், பால், தயிா், தேன், இளநீா் மற்றும் சந்தனம் ஆகியவற்றால் அபிஷேகம் செய்யப்பட்டது.
பின்னா் ஊஞ்சல் சேவை கண்டருளிய கோவிந்தராஜா் இரவு 7.30 மணிக்கு, சந்திரபிரப வாகனத்தில் எழுந்தருளி பக்தா்களுக்கு அருள்பாலித்தாா். வாகன சேவையின் போது கோலாட்டங்கள், பஜனை பாடல்கள், ஆடல், பாடல் உள்ளிட்ட கலைநிகழ்ச்சிகள் நடைபெற்றன.
ஸ்ரீ ஸ்ரீ ஸ்ரீ பெரியஜீயா் சுவாமி, ஸ்ரீ ஸ்ரீ ஸ்ரீ சின்ன ஜீயா் சுவாமி, தேவஸ்தான அதிகாரிகள், கோயில் அதிகாரிகள் மற்றும் ஏராளமான பக்தா்கள் பங்கேற்றனா்.
