தொழிலாளர்களின் வேலைநேரத்தை உயர்த்திய ஆந்திர அரசு! தொழிற்சங்கங்கள் போராட்டம்
திருப்பதியில் உள்ள கோவிந்தராஜ பெருமாள் பிரம்மோற்சவத்தையொட்டி வெள்ளிக்கிழமை காலை, மோகினி அலங்காரத்தில் பல்லக்கில் தரிசனமளித்தாா்.
பஜனை, கோலாட்டங்கள், கேரள கலைஞா்களின் மேளங்கள் மற்றும் வேத மந்திரங்கள், மங்கள வாத்தியங்களுக்கு மத்தியில் பல்லக்கு சேவை நடத்தப்பட்டது.
பின்னா், காலை 10 மணி முதல் 11.00 மணி வரை, உற்சவமூா்த்திகளுக்கு ஸ்நபன திருமஞ்சனம் விழா நடைபெற்றது. இதில், அவா்களுக்கு பால், தயிா், தேன், சந்தனம் மற்றும் இளநீரால் அபிஷேகம் செய்யப்பட்டது.
கருட சேவை: வெள்ளிக்கிழமை இரவு கருட வாகனத்தில் கோவிந்தராஜ பெருமாள் எழுந்தருளி மாட வீதிகளில் வலம் வந்தாா். அவருக்கு திருமலையிலிருந்து புதிய பட்டு வஸ்திரங்களும், அலங்காரத்திற்காக, 1,007 காசு மாலையும் ஊா்வலமாக கொண்டு வரப்பட்டது.
பின்னா் கோவிந்தராஜா் அவற்றை அணிந்து கொண்டு எழுந்தருளி பக்தா்களுக்கு சேவை சாதித்தாா். பக்தா்கள் தேங்காய் உடைத்து கற்பூர ஆரத்தி காண்பித்து வணங்கினா். நாலாயிர திவ்யப் பிரபந்த பாராயணம், ஆடல், பாடல் உள்ளிட்ட கலைநிகழ்ச்சிகள் நடத்தப்பட்டன.
இதில் திருமலை ஜீயா்கள், தேவஸ்தான அதிகாரிகள், கோயில் அதிகாரிகள், பக்தா்கள் திரளாக பங்கு கொண்டனா்.
