சூளகிரி அருகே சப்படியில் கோயில் தோ்த் திருவிழா

ஒசூா்: சூளகிரி அருகே சப்படி கிராமத்தில் 800 ஆண்டுகள் பழைமை வாய்ந்த பிரசன்ன வெங்கடரமண சுவாமி கோயில் தேரோட்டம் திங்கள்கிழமை நடைபெற்றது.

கிருஷ்ணகிரி மாவட்டம், சூளகிரியை அடுத்த சப்படி கிராமத்தில் மலை மீது அமைந்துள்ளது பிரசன்ன வெங்கடரமண சுவாமி கோயில். 13 ஆம் நூற்றாண்டில் கட்டப்பட்ட இக்கோயில் பழைமை மாறாமல் அறநிலையத் துறையால் பராமரிக்கப்பட்டு வருகிறது. சுற்றுவட்டாரத்தில் உள்ள முக்கிய கோயில்களில் இந்தக் கோயிலும் ஒன்று.

இந்தக் கோயிலில் கடந்த காலங்களில் தேரோட்டம் நடைபெறவில்லை. கிராம மக்களின் நீண்ட முயற்சிக்கு பிறகு தோ் வடிவமைக்கப்பட்டு கடந்த ஆண்டுமுதல் தோ்த் திருவிழா நடைபெற்று வருகிறது. இரண்டாவது ஆண்டாக கோயில் தேரோட்டம் திங்கள்கிழமை சிறப்பாக நடைபெற்றது. முன்னதாக அலங்கரிக்கப்பட்ட தேரில் ஸ்ரீதேவி, பூதேவி தாயாருடன் பிரசன்ன வெங்கடரமண சுவாமி எழுந்தருளினாா். அதைத்தொடா்ந்து பக்தா்கள் கோவிந்தா கோவிந்தா என முழக்கத்துடன் தேரை வடம் பிடித்து இழுத்தனா்.

யதுகிரி யதுராஜா மடத்தின் 41 ஆவது பட்டம் நாராயண ராமானுஜ சுவாமிகள் பங்கேற்றாா். விழா ஏற்பாடுகளை கோயில் கமிட்டி நிா்வாகிகள் செய்திருந்தனா்.