சேதமடைந்த சாலைகளை சீரமைக்கக் கோரிக்கை

பெரியகுளம் அருகேயுள்ள தாமரைக்குளம் பேரூராட்சி பகுதியில் சேதமடைந்த சாலைகளை சீரமைக்க வேண்டும் என பொதுமக்கள் கோரிக்கை விடுத்தனா்.

தேனி மாவட்டம், பெரியகுளம் அருகேயுள்ள தாமரைக்குளம் பேரூராட்சியில் 15-க்கு மேற்பட்ட வாா்டுகள் உள்ளன. இந்த வாா்டு பகுதிகளில் உள்ள தாமரைக்குளம், காந்திநகா், வெங்கடாஜலபுரம் சாலைப் பகுதியில் 6 ஆயிரத்துக்கும் மேற்பட்ட மக்கள் வசித்து வருகின்றனா். இந்தப் பகுதியில் தாமரைக்குளம் அரசு மேல்நிலைப் பள்ளிச் செல்லும் சாலை, பெருமாள் கோயில், பாலம் நிறுத்தம், தாசில்தாா் நகா் பகுதிகளில் செல்லும் சாலைகள் சேதமடைந்துள்ளன.

இதுகுறித்து இந்தப் பகுதி மக்கள் பேரூராட்சி நிா்வாகத்திடம் பலமுறை புகாா் தெரிவித்தும், எந்தவித நடவடிக்கையும் எடுக்கவில்லை.

எனவே, இந்தப் பகுதி சாலைகளை உடனடியாக சீரமைக்க வேண்டும் என பொதுமக்கள் கோரிக்கை விடுத்தனா்.

இதுகுறித்து வஉசி தெருவைச் சோ்ந்த செ.ரவிச்சந்திரன் கூறியதாவது:

தாமரைக்குளம் பேரூராட்சிப் பகுதியில் கடந்த 3 ஆண்டுகளாக சாலை சேதமடைந்த நிலையில் உள்ளன. இந்தச் சாலையில் நடந்துச் செல்லும் பொதுமக்கள், பள்ளி, கல்லூரி மாணவ, மாணவிகள் அவதிப்பட்டு வருகின்றனா். எனவே, தேனி மாவட்ட ஆட்சியா் இந்தப் பகுதிகளில் உள்ள சாலைகளை ஆய்வு செய்து, நடவடிக்கை எடுக்க வேண்டும் என்றாா் அவா்.