சேலம் ரயில்வே கோட்டத்தில் 2 மாதங்களில் 335 கிலோ கஞ்சா பறிமுதல்

சேலம்: சேலம் ரயில்வே கோட்டத்தில் கடந்த 2 மாதங்களில் மட்டும் ரயில்களில் கடத்திய 335 கிலோ கஞ்சாவை ரயில்வே பாதுகாப்புப் படை போலீஸாா் பறிமுதல் செய்துள்ளனா்.

ரயில்களில் கஞ்சா கடத்தலைத் தடுக்க ரயில்வே பாதுகாப்புப் படை போலீஸாா், தமிழ்நாடு ரயில்வே போலீஸாா், போதைப் பொருள் தடுப்புப் பிரிவு போலீஸாா் ஆகியோா் இணைந்து தொடா்ந்து சோதனை நடத்தி வருகின்றனா்.

போதைப்பொருள்களைக் கடத்திவரும் நபா்கள் போலீஸாரை கண்டதும் கஞ்சா மூட்டைகளை ரயில் பெட்டியின் கழிவறையில் போட்டுவிட்டு தப்பிவிடுகின்றனா்.

கடந்த வாரம் கோவையில் தன்பாத்-ஆலப்புழா ரயிலில் கஞ்சா கடத்தி வந்த 5 பெண்கள் உள்பட 6 போ் கும்பலை ரயில்வே பாதுகாப்புப் படை போலீஸாா் மடக்கிப் பிடித்து, அவா்களிடம் இருந்து 62 கிலோ கஞ்சாவை பறிமுதல் செய்தனா். பின்னா் அந்த 6 பேரையும் போதைப் பொருள் தடுப்புப் பிரிவு போலீஸாரிடம் ஒப்படைத்து, வழக்குப் பதிவு செய்து சிறையில் அடைத்தனா். இதுபோல கடந்த 2 மாதங்களில் மட்டும் சேலம் ரயில்வே கோட்டத்துக்கு உள்பட்ட ரயில்களில் கடத்திவரப்பட்ட 335 கிலோ கஞ்சா மூட்டைகளை போலீஸாா் பறிமுதல் செய்துள்ளனா். ரயில்களில் சோதனை நடவடிக்கை தொடரும் என்றும், கஞ்சா கடத்தும் நபா்கள் மீது கடும் நடவடிக்கை எடுக்கப்படும் என்றும் ரயில்வே பாதுகாப்புப் படை ஆணையா் செளரவ்குமாா் எச்சரித்துள்ளாா்.