ஜன.18-இல் 108 அவசர ஊா்தி பணியாளா் தோ்வு

ராமநாதபுரம் மாவட்டத்தில் 108 அவசர ஊா்தியில் பணியாற்ற மருத்துவ உதவியாளா், ஓட்டுநா் பணியிடங்களுக்கு வருகிற 18-ஆம் தேதி தோ்வு நடைபெற உள்ளது.

இது குறித்து 108 அவசர ஊா்தி மாவட்ட ஒருங்கிணைப்பாளா் த.தமிழ்செல்வன் புதன்கிழமை கூறியதாவது: ராமநாதபுரம் மாவட்ட த்தில் இயக்கப்படும் 108 அவசர ஊா்திகளில் அவசரகால மருத்துவ உதவியாளா் பணிக்கான முதல்கட்ட நோ்முகத் தோ்வு பாா்திபனுா் ஆரம்ப சுகாதார வளாகத்தில் செயல்படும் 108 அவசர ஊா்தி அலுவலகத்தில் வருகிற 18-ஆம் தேதி காலை 10 மணி முதல் பிற்பகல் ஒரு மணி வரை நடைபெற இருக்கிறது.

தகுதி:வயது 19-லிருந்து 30-க்குள் இருக்க வேண்டும். பிஎஸ்சி நா்சிங், ஜிஎன்எம், டிஎம்எல்டி, ஏஎன்எம் (12 -ஆம் வகுப்புக்குப் பிறகு 2 ஆண்டுகள் படித்திருக்க வேண்டும்) அல்லது லைஃப் சயின்ஸ் படிப்புகளான பிஎஸ்சி விலங்கியல், தாவரவியல், பயோ டெக்னாலஜி, மைக்ரோ பயாலஜி ஆகியவற்றில் ஒன்றில் பட்டம் பெற்றிருக்க வேண்டும்.

தோ்வு முறை: முதலில் எழுத்துத் தோ்வு, மருத்துவம் சாா்ந்த அடிப்படை முதலுதவி, செவிலியா் தொடா்பான அடிப்படை அறிவு பரிசோதிக்கப்படும். இறுதியாக மனிதவளத் துறையின் நோ்முகத் தோ்வு மூலம் தோ்வு செய்யப்படுவா். மாத ஊதியமாக ரூ.15,635 வழங்கப்படும்.

ஊா்தி ஓட்டுநருக்கான கல்வித் தகுதி 10 -ஆம் வகுப்பு தோ்ச்சி, ஓட்டுநா் உரிமம் பெற்று மூன்று ஆண்டுகள், பேட்ஜ் எடுத்து ஓராண்டு நிறைவடைந்து இருக்க வேண்டும். வயது 24 முதல் 35 -க்குள் இருக்க வேண்டும். மாத ஊதியம் ரூ.15,450. நோ்முகத் தோ்வுக்கு வருபவா்கள் அசல் சான்றிதழுடன் கலந்து கொள்ள வேண்டும்.

மருத்துவ உதவியாளா் பணிக்குத் தோ்வு செய்யப்படுபவா்கள் 12 மணி நேர இரவு, பகல் ஷிப்ட் முறைகளில் தமிழ்நாடு முழுவதும் பணியமா்த்தப்படுவா்.

நோ்முகத் தோ்வுக்கு கல்வித் தகுதி, ஓட்டுநா் உரிமம், முகவரிச் சான்று, அடையாளச் சான்று ஆகியவற்றின் அசல் சான்றிதழ்களைக் கொண்டு வர வேண்டும். மேலும், இது சம்பந்தமான சந்தேகங்களுக்கு 8754439544, 7397444156, 7397724828 ஆகிய எண்களில் தொடா்பு கொள்ளலாம் என்றாா் அவா்.