திருவாடானை அருகே மதுரை- தொண்டி தேசிய நெடுஞ்சாலையில் வாகனம் மோதியதில் புள்ளி மான் செவ்வாய்க்கிழமை உயிரிழந்தது.
திருவாடானை அருகேயுள்ள திணையத்தூா் கண்மாய்ப் பகுதியில் தொடா்ந்து தளிா்மருங்கூா், காடாங்குடி,திருவெற்றியூா், முகிழ்த்தகம் உள்ளிட்ட பகுதிகளில் உள்ள கண்மாய்களில் காட்டுக் கருவேல மரங்கள் அதிகம் உள்ளன. இந்தப் பகுதியில் மான்கள் அதிகம் காணப்படுகின்றன.
தற்போது கண்மாய்களில் தண்ணீா் நிரம்பியுள்ளதால் இைரை தேடிச் சாலை பகுதியை நோக்கி மான்கள் வருகின்றன. இவை சாலையைக் கடக்கும்போது, வாகனங்களில் அடிபட்டு மான்கள் உயிரிழக்கின்றன.
இந்த நிலையில், செவ்வாய்க்கிழமை அதிகாலை திணையத்தூா் அருகே மதுரை -தொண்டி தேசிய நெடுஞ்சாலையில் அடையாளம் தெரியாத வாகனம் மோதியதில் மான் உயிரிழந்தது. தகவலறிந்து வனத் துறையினா் சென்று மானின் உடலை மீட்டு கால்நடை மருத்துவா் உதவியுடன் கூறாய்வு செய்து, மண்ணில் புதைத்தனா்.
