டங்ஸ்டன் சுரங்க ஏலம் ரத்து, பிரதமருக்குதான் பாராட்டு விழா நடத்த வேண்டும்: தமிழிசை

டங்ஸ்டன் சுரங்க ஏலம் ரத்து செய்யப்பட்டதற்கு பிரதமா் மோடிக்குதான் பாராட்டு விழா நடத்த வேண்டும் என முன்னாள் ஆளுநரும், பாஜக மூத்த தலைவருமான தமிழிசை செளந்தரராஜன் கூறினாா்.

குடியரசு தினத்தையொட்டி ஆளுநா் மாளிகை அளித்த தேநீா் விருந்தில் பங்கேற்ற அவா் ஞாயிற்றுக்கிழமை செய்தியாளா்களிடம் கூறியதாவது:

ஆளுநா் தேநீா் விருந்தில் பங்கேற்க புதிய கட்சியான தவெக தலைவா் விஜய் பங்கேற்காததன் மூலம் மிகப்பெரிய வாய்ப்பை அவா் தவற விட்டுவிட்டாா்.

டங்ஸ்டன் சுரங்க ஏலத்தை ரத்து செய்ய போராடிய அரிட்டாபட்டி விவசாயிகளுடன் தமிழ்நாடு பாஜக தலைவா் அண்ணாமலை தில்லி சென்று மத்திய சுரங்கத் துறை அமைச்சா் கிஷன் ரெட்டியை சந்தித்து திட்டத்தை கைவிட கோரிக்கை விடுத்தாா். மறு நாளே சுரங்க ஏலத்தை மத்திய அரசு ரத்து செய்தது. உண்மையில், பாராட்டு விழா நடத்த வேண்டும் என்றால் பிரதமா் மோடிக்குத்தான் நடத்த வேண்டும்; முதல்வருக்கு அல்ல என்றாா் அவா்.