திருவண்ணாமலை மாவட்டம், தண்டராம்பட்டு வட்டம், வரகூா் ஊராட்சியில் நடைபெற்று வரும் டிஜிட்டல் பயிா் அளவீடு செய்யும் பணியை மாவட்ட ஆட்சியா் க.தா்ப்பகராஜ் புதன்கிழமை ஆய்வு செய்தாா்.
தமிழகம் முழுவதும் வேளாண் நிலம் மற்றும் பயிா் குறித்த விவரங்களை டிஜிட்டல் முறையில் அளவீடு செய்து கணக்கெடுக்கும் பணிகள் நடைபெற்று வருகின்றன.
இந்த சா்வே பணியில் பல ஆண்டு பயிா்கள், சில மாதங்களில் சாகுபடி செய்யும் பயிா்கள் என பிரித்து பதிவேற்றம் செய்யப்படுகிறது. இது பேரிடா் காலங்களில் ஏற்படும் பாதிப்புகளை விரைவாக கணக்கீடு செய்ய உதவும்.
இந்த நிலையில், திருவண்ணாமலை மாவட்டத்தில் வேளாாண்மை மற்றும் உழவா் நலத்துறை சாா்பில் கோடை பயிா் சாகுபடி விவரங்களை டிஜிட்டல் முறையில் கணக்கீடு செய்யும் பணி மேற்கொள்ளப்பட்டு வருகிறது.
அதனடிப்படையில் புதன்கிழமை மாவட்ட ஆட்சியா் க.தா்ப்பகராஜ் தண்டராம்பட்டு வட்டம், வரகூா் ஊராட்சியில் டிஜிட்டல் முறையில் பயிா் அளவீடு செய்யும் பணி நடைபெற்று வருவதை பாா்வையிட்டு ஆய்வு செய்தாா். அப்போது, அளவீடு செய்யும் பணியின் விவரம் மற்றும் செயலியில் பதிவேற்றம் செய்யப்பட்ட விவரம் குறித்து கேட்டறிந்தாா்.
இதில், மாவட்ட வருவாய் அலுவலா் இரா.இராம்பிரதீபன், இணை இயக்குநா் (வேளாண்மை) கண்ணகி, உதவி இயக்குநா் (நில அளவை மற்றும் பதிவேடுகள்) சண்முகம், ஆட்சியரின் நோ்முக உதவியாளா் (வேளாண்மை) மலா்விழி, வட்டாட்சியா் மற்றும் அரசுத் துறை சாா்ந்த அலுவலா்கள் பலா் கலந்து கொண்டனா்.
