உயர்சாதித் தலைவர்கள் பழங்குடியினர் விவகாரத் துறைக்குத் தலைமை தாங்க வேண்டும்: மத்...
டி20 போட்டிகளில் இங்கிலாந்து அணிக்காக அந்த அணியின் கேப்டன் ஜோஸ் பட்லர் புதிய சாதனை ஒன்றை படைத்துள்ளார்.
இந்தியா மற்றும் இங்கிலாந்து அணிகளுக்கு இடையிலான 4-வது டி20 போட்டி புணே மைதானத்தில் நேற்று முன் தினம் (ஜனவரி 31) நடைபெற்றது. அந்தப் போட்டி இங்கிலாந்து அணியை ஜோஸ் பட்லர் கேப்டனாக வழிநடத்திய 50-வது போட்டியாகும்.
இதையும் படிக்க: ஷிவம் துபேவுக்கு ஹர்ஷித் ராணா சரியான மாற்று வீரரா? முன்னாள் கேப்டன் கூறுவதென்ன?
இங்கிலாந்து அணியை 50 டி20 போட்டிகளில் வழிநடத்தியுள்ள இரண்டாவது கேப்டன் என்ற சாதனையை ஜோஸ் பட்லர் படைத்துள்ளார். அவருக்கு முன்பாக இயான் மோர்கன் இங்கிலாந்து அணியை 50-க்கும் அதிகமான டி20 போட்டிகளில் கேப்டனாக வழிநடத்தியுள்ளார்.
5️⃣ 0️⃣ matches up as England T20I captain for Jos Buttler - the second men's captain to reach that milestone
— England Cricket (@englandcricket) February 1, 2025
Here's a rewind through some of the most memorable moments of Jos as our skipper pic.twitter.com/MqFiKDsnTW
இதுவரை இங்கிலாந்து அணிக்காக 133 டி20 போட்டிகளில் விளையாடியுள்ள ஜோஸ் பட்லர் 3,528 ரன்கள் குவித்துள்ளார். அதில் ஒரு சதம் மற்றும் 26 அரைசதங்கள் அடங்கும். அவரது அதிகபட்ச ஸ்கோர் 101 ஆகும்.
இந்தியாவுக்கு எதிராக புணேவில் நடைபெற்ற 4-வது டி20 போட்டியில் இங்கிலாந்து அணி 15 ரன்கள் வித்தியாசத்தில் தோல்வியடைந்தது குறிப்பிடத்தக்கது.
