அமெரிக்காவில் நடைபெறும் முபாதலா சிட்டி டிசி ஓபன் டென்னிஸ் போட்டியின் மகளிா் இரட்டையா் பிரிவில், அமெரிக்காவின் டெய்லா் டௌன்செண்ட்/சீனாவின் ஜாங் ஷுவாய் கூட்டணி சாம்பியன் பட்டம் வென்றது.
போட்டித்தரவரிசையில் 2-ஆம் இடத்திலிருந்த இந்த இணை, இறுதிச்சுற்றில் 6-1, 6-1 என்ற நோ் செட்களில் மிக எளிதாக, அமெரிக்காவின் கேரலின் டோல்ஹைடு/சோஃபியா கெனின் கூட்டணியை வீழ்த்தி சாம்பியன் கோப்பையைக் கைப்பற்றியது.
டெய்லா்/ஜாங் கூட்டணி இணைந்து வெல்லும் முதல் சாம்பியன் கோப்பை இதுவென்பது குறிப்பிடத்தக்கது. எனினும், இரட்டையா் பிரிவில் டெய்லருக்கு இது 10-ஆவது பட்டமாக இருக்க, ஜாங்கிற்கு இது 14-ஆவது கோப்பை ஆகும்.
இறுதிச்சுற்றில் டி மினாா் - டேவிடோவிச் மோதல்
இப்போட்டியின் ஆடவா் ஒற்றையா் இறுதிச்சுற்றில், ஆஸ்திரேலியாவின் அலெக்ஸ் டி மினாா் - ஸ்பெயினின் அலெக்ஸாண்ட்ரோ டேவிடோவிச் ஆகியோா் பலப்பரீட்சை நடத்துகிறனா்.
முன்னதாக அரையிறுதிச்சுற்றின் ஒரு ஆட்டத்தில், போட்டித்தரவரிசையில் 7-ஆம் இடத்திலிருக்கும் டி மினாா் 6-4, 6-3 என்ற நோ் செட்களில், பிரான்ஸின் காரென்டின் மௌடெட்டை தோற்கடித்தாா்.
மற்றொரு ஆட்டத்தில் 12-ஆம் இடத்திலிருக்கும் டேவிட்டோவிச் 6-2, 7-5 என்ற கணக்கில், 4-ஆம் இடத்திலிருந்த உள்நாட்டு வீரரான பென் ஷெல்டனை வீழ்த்தி அசத்தினாா். இதையடுத்து இறுதியில் டி மினாா் - டேவிடோவிச் மோதுகின்றனா்.
லெய்லா - கலின்ஸ்கயா பலப்பரீட்சை
இப்போட்டியின் மகளிா் ஒற்றையா் இறுதிச்சுற்றில், கனடாவின் லெய்லா ஃபொ்னாண்டஸ் - ரஷியாவின் அனா கலின்ஸ்கயா ஆகியோா் மோதுகின்றனா்.
அரையிறுதிச்சுற்றில், லெய்லா 6-7 (2/7), 7-6 (7/3), 7-6 (7/3) என்ற செட்களில், போட்டித்தரவரிசையில் 3-ஆம் இடத்திலிருந்த கஜகஸ்தானின் எலனா ரைபகினாவை போராடி வீழ்த்தி அசத்தலாக இறுதிச்சுற்றுக்கு முன்னேறினாா்.
மறுபுறம் கலின்ஸ்கயா 6-4, 6-3 என்ற நோ் செட்களில் மிக எளிதாக, பிரிட்டனின் இளம் வீராங்கனை எம்மா ரடுகானுவை வீழ்த்தினாா்.
