சென்னை: சென்னையில் ஆபரணத் தங்கத்தின் விலை சனிக்கிழமை அதிரடியாக பவுனுக்கு ரூ.520 உயா்ந்து ரூ.73,120-க்கு விற்பனையாகிறது.
ஆண்டு தொடக்கம் முதலே தங்கம் விலை உயர்ந்து வருகிறது. சென்னையில் ஆபரணத் தங்கத்தின் விலை வியாழக்கிழமை பவுனுக்கு ரூ.160 உயா்ந்து ரூ.72,160-க்கு விற்பனையான நிலையில், வெள்ளிக்கிழமை கிராமுக்கு ரூ.55 உயா்ந்து ரூ.9,075-க்கும், பவுனுக்கு ரூ.440 உயா்ந்து ரூ.72,600-க்கும் விற்பனையானது.
இந்த நிலையில், சனிக்கிழமை மீண்டும் உயர்ந்துள்ளது.
அதன்படி, கிராமுக்கு ரூ.65 உயா்ந்து ரூ.9,140-க்கும், பவுனுக்கு ரூ.520 உயா்ந்து ரூ.73,120-க்கு விற்பனையாகிறது.
வெள்ளி விலை வெள்ளிக்கிழமை கிராமுக்கு ரூ.1 உயா்ந்து ரூ.121-க்கு விற்பனையான நிலையில், சனிக்கிழமை அதிரடியாக கிராமுக்கு ரூ.4,90 உயர்ந்து ரூ.125-க்கும், கட்டி வெள்ளி (ஒரு கிலோ) ரூ. 4,900 உயா்ந்து ரூ.1 லட்சத்து 25 ஆயிரத்துக்கு விற்பனையாகிறது.
