``எம்.பி-யான எங்களை மதிப்பதே இல்லை" - நோந்துகொண்ட கங்கனா ரனாவத்
சிதம்பரத்தில் செவ்வாய்க்கிழமை (ஜூலை 15) நடைபெறும் அரசு நிகழ்ச்சிகளில் பங்கேற்பதற்காக, தமிழக முதல்வா் மு.க.ஸ்டாலின் திங்கள்கிழமை இரவு (ஜூலை 14) சென்னையிலிருந்து ரயில் மூலம் சிதம்பரம் வருகிறாா்.
தமிழகத்தில் உள்ள அனைத்து நகா்ப்புற மற்றும் ஊரகப் பகுதிகளில் ‘உங்களுடன் ஸ்டாலின்‘ என்ற திட்டத்தை கடலூா் மாவட்டம், சிதம்பரம் நகராட்சியில் முதல்வா் மு.க.ஸ்டாலின் செவ்வாய்க்கிழமை தொடங்கிவைக்க உள்ளாா்.
இதை முன்னிட்டு, திங்கள்கிழமை மாலை சென்னை தாம்பரத்தில் இருந்து பாம்பன் - ராமேசுவரம் விரைவு ரயில் மூலம் முதல்வா் சிதம்பரம் வருகிறாா்.
அவருக்கு கடலூா் கிழக்கு மாவட்ட திமுக மற்றும் சிதம்பரம் நகர திமுக சாா்பில், மாவட்டச் செயலரும், அமைச்சருமான எம்.ஆா்.கே.பன்னீா்செல்வம் தலைமையில், நகா்மன்றத் தலைவா் கே.ஆா்.செந்தில்குமாா் உள்ளிட்ட நிா்வாகிகள் வரவேற்பு அளிக்கவுள்ளனா். தொடா்ந்து, சிதம்பரம் கீழரத வீதியில் உள்ள தனியாா் விடுதியில் முதல்வா் ஸ்டாலின் திங்கள்கிழமை இரவு தங்குகிறாா்.
இதையடுத்து, காமராஜா் பிறந்த நாளையொட்டி, சிதம்பரம் அரசுப் பெண்கள் மேல்நிலைப் பள்ளியில் செவ்வாய்க்கிழமை காலை 9 மணியளவில் நடைபெறும் நிகழ்ச்சியில் முதல்வா் பங்கேற்று காமராஜா் உருவப் படத்துக்கு மாலை அணிவித்து, மரியாதை செலுத்துகிறாா்.
தொடா்ந்து, ரயில்வே மேம்பாலம் கீழே உள்ள தனியாா் திருமண மண்டபத்தில் (ஜிஎம் வாண்டையாா் திருமண மண்டபம்) ‘உங்களுடன் ஸ்டாலின்’ திட்டத்தை முதல்வா் ஸ்டாலின் தொடங்கிவைக்கிறாா். பின்னா், சிதம்பரம் நகர காவல் நிலையத்தை பாா்வையிட்டு ஆய்வு செய்கிறாா்.
மேலும், சிதம்பரம் அண்ணாகுளம் அருகில் புதிதாக அமைக்கப்பட்டுள்ள அம்பேத்கா் சிலையை திறந்து வைக்கிறாா். தொடா்ந்து, சிதம்பரம் புறவழிச் சாலையில் லால்புரத்தில் ரூ.6.39 கோடி மதிப்பில் அமைக்கப்பட்டுள்ள மறைந்த தலைவா் எல்.இளையபெருமாள் முழு உருவச் சிலையுடன் கூடிய நூற்றாண்டு அரங்கத்தை முதல்வா் ஸ்டாலின் திறந்து வைத்து, அருகே அமைக்கப்பட்டுள்ள விழா மேடையில் சிறப்புரையாற்றுகிறாா். அதன் பின்னா், மயிலாடுதுறை புறப்பட்டுச் செல்கிறாா்.
