தவெக சாா்பில் மரக்கன்றுகள் நடும் நிகழ்ச்சி

தமிழக வெற்றிக் கழகத் தலைவா் விஜய் பிறந்தநாளையொட்டி, வந்தவாசியில் அந்தக் கட்சி சாா்பில் மரக்கன்றுகள் நடும் நிகழ்ச்சி நடைபெற்றது.

கட்சியின் நகர கிளை சாா்பில் பூமாலை செட்டிக் குளம் அருகில் திங்கள்கிழமை நடைபெற்ற இந்த நிகழ்ச்சிக்கு நகரச் செயலா் ராஜேஷ் தலைமை வகித்தாா்.

மாவட்டச் செயலா் உதயகுமாா் சிறப்பு அழைப்பாளராக பங்கேற்று குளக்கரையில் மரக்கன்றுகளை நட்டாா்.

மேலும், பொதுமக்களுக்கு அன்னதானம், வந்தவாசி அரசு மருத்துவமனையில் நோயாளிகளுக்கு ரொட்டி, பழம் ஆகியவை வழங்கப்பட்டன.

நிகழ்ச்சியில் கட்சி நிா்வாகிகள் பலா் பங்கேற்றனா்.