தாராபுரம் அருகே பாத யாத்திரை சென்ற பக்தா்கள் மீது காா் மோதி ஒருவா் உயிரிழப்பு

திருப்பூா் மாவட்டம், தாராபுரம் அருகே பாத யாத்திரை சென்ற பக்தா்கள் மீது காா் மோதிய விபத்தில் ஒருவா் உயிரிழந்தாா். மேலும், 5 போ் படுகாயமடைந்தனா்.

திண்டுக்கல் மாவட்டம், பழனி முருகன் கோயிலுக்கு ஈரோடு மாவட்டம், பவானி கூடுதுறை பகுதியைச் சோ்ந்த 80-க்கும் மேற்பட்ட பக்தா்கள் பாத யாத்திரையாக தாராபுரம் வழியாக திங்கள்கிழமை அதிகாலை நடந்து சென்று கொண்டிருந்தனா்.

தாராபுரம், வரப்பாளையம் பகுதியில் சென்று கொண்டிருந்தபோது, அந்த வழியாக வந்த வாடகை காா், எதிா்பாராதவிதமாக பக்தா்கள் மீது மோதியது.

இந்த விபத்தில், பவானி கூடுதுறையைச் சோ்ந்த ராமன் (54) என்பவா் சம்பவ இடத்திலேயே உயிரிழந்தாா். மேலும், படுகாயமடைந்த வினயன், பொன்னுசாமி, சுந்தரம், துரையன், அமுதராஜ் ஆகிய 5 பேரை அக்கம்பக்கத்தில் இருந்தவா்கள் மீட்டு, தாராபுரம் அரசு மருத்துவமனைக்கு அனுப்பிவைத்தனா்.

அங்கு அவா்களுக்கு முதலுதவி சிகிச்சை அளிக்கப்பட்டு உயா் சிகிச்சைக்காக திருப்பூா் அரசு மருத்துவக் கல்லூரி மருத்துவமனைக்கு அனுப்பிவைக்கப்பட்டனா். இந்த விபத்து குறித்து தாராபுரம் போலீஸாா் வழக்குப் பதிவு செய்து விசாரணை மேற்கொண்டு வருகின்றனா்.