திருநெல்வேலி மாட்டம் திசையன்விளை, விஜயாபதி, களக்காடு பகுதிகளில் செவ்வாய்க்கிழமை (ஜூன் 17) மின்விநியோகம் இருக்காது என, வள்ளியூா் மின்வாரிய கோட்ட செயற்பொறியாளா் தா. வளன்அரசு தெரிவித்துள்ளாா்.
இது தொடா்பாக அவா் வெளியிட்ட செய்திக்குறிப்பு: மாதாந்திர பராமரிப்புப் பணிகள் காரணமாக, விஜயாபதி துணை மின்நிலையத்துக்குள்பட்ட கூத்தங்குழி, முருகானந்தபுரம், உதயத்தூா், சிதம்பரபுரம், பரமேஸ்வரபுரம், இளையநயினாா்குளம் பகுதிகளிலும், திசையன்விளை துணை மின் நிலையத்துக்குள்பட்ட திசையன்விளை, மகாதேவன்குளம், இடையன்குடி, அப்புவிளை, ஆனைகுடி, முதுமொத்தான்மொழி பகுதிகளிலும் செவ்வாய்க்கிழமை காலை 9 முதல் பிற்பகல் 2 மணிவரை மின் விநியோகம் இருக்காது.
இதேபோல, களக்காடு துணை மின் நிலையத்துக்குள்பட்ட களக்காடு நகரம், பெருமாள்குளம், சாலைப்புதூா், எஸ்.என்.பள்ளிவாசல், மாவடி, டோனாவூா், புலியூா்குறிச்சி, கோதைசேரி, வடமலைசமுத்திரம், கருவேலன்குளம், கோவிலம்மாள்புரம், வடுகச்சிமதில் பகுதிகளில் காலை 9 முதல் மாலை 5 மணிவரை மின் விநியோகம் இருக்காது என்றாா் அவா்.
