Kubera: ``சேகர் கம்முலா நம்பிக்கையின் அடிப்படையில் படம் எடுப்பார், ஆனா நான்..'' - ராஜமௌலி

தனுஷின் நடிப்பில் ஜூன் 20 ஆம் தேதி வெளியாக இருக்கும் படம் ‘குபேரா’. தனுஷின் 51-வது திரைப்படமான ‘குபேரா’ படத்தை இயக்குநர் சேகர் கம்முலா இயக்கியிருக்கிறார்.

தனுஷிற்கு ஜோடியாக ராஷ்மிகா மந்தனா நடித்திருக்கிறார். இந்தப் படத்தில் நாகார்ஜூனா முக்கிய கதாபாத்திரத்தில் நடித்திருக்கிறார். இப்படத்தின் ட்ரெயிலர் வெளியீட்டு விழா நேற்று (ஜூன் 15) ஹைதராபாத்தில் நடைபெற்றது.

இந்த நிகழ்ச்சியில் இயக்குநர் ராஜமௌலி சிறப்பு விருந்தினராகக் கலந்துகொண்டார். அதில் இயக்குநர் சேகர் கம்முலா குறித்துப் பேசிய ராஜமௌலி, “ சேகர் கம்முலா பணிவானவர், அதே சமயம் பிடிவாதமானவர். அவர் வித்தியாசமான ரூல்ஸ்களைப் பின்பற்றுவார்.

ஒருமுறை அவர் ஏதாவது ஒரு விஷயத்தில் நம்பிக்கை கொண்டால், அதில் ஒருபோதும் சமரசம் செய்யமாட்டார். அந்த விஷயத்தை நான் பாராட்டுகிறேன். எங்கள் இருவரின் அணுகுமுறைகள் வெவ்வேறாகத்தான் இருக்கும். அவர் தனது நம்பிக்கைகளின் அடிப்படையில் படங்கள் எடுப்பார்.

நான் அப்படி இல்லை. இருந்தாலும், அவரை நான் மிகவும் மதிக்கிறேன். அவர் 25 ஆண்டுகளாக திரையுலகில் இருக்கிறார் என்பதை நம்ப முடியவில்லை. இன்றும் தனது கொள்கைகளுக்கு உண்மையாக இருக்கிறார்." என்றார்.

சினிமா விகடனின் பிரத்யேக Whatsapp க்ரூப்

https://chat.whatsapp.com/JSk78H7siYK4aL2qO1RglR

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/JSk78H7siYK4aL2qO1RglR