நாடு முழுவதும் பொது சிவில் சட்ட அமலுக்கு வாய்ப்பில்லை: கா்நாடக துணை முதல்வா்
அதிமுக உள்ளிட்ட திராவிட கட்சிகள் மற்றும் அமைப்புகள் திமுக வேட்பாளரை பொது வேட்பாளராக கருதி ஆதரவு அளிக்க வேண்டும் என்று மதிமுக முதன்மைச் செயலாளா் துரை வைகோ எம்.பி. வேண்டுகோள் விடுத்தாா்.
ஈரோடு கிழக்கு தொகுதி திமுக வேட்பாளா் வி.சி.சந்திரகுமாருக்கு ஆதரவாக பிரசாரம் செய்ய ஈரோடு வந்த துரை வைகோ செய்தியாளா்களிடம் ஞாயிற்றுக்கிழமை கூறியதாவது:
அதிமுக உள்ளிட்ட திராவிட அமைப்பினா் திமுக வேட்பாளரை பொது வேட்பாளராக கருதி ஆதரவு அளிக்க வேண்டும். வேங்கைவயல் பிரச்னையில் சிபிசிஐடி போலீஸாா் குற்றப்பத்திரிகை தாக்கல் செய்துள்ளனா். இந்த விவகாரத்தில் நீதிமன்றம் எடுக்கும் முடிவுதான் இறுதி முடிவு.
பெரியாா் ஈவெராவும் வேண்டும், பெருமாளும் வேண்டும் என முதன்முதலில் நான்தான் சொன்னேன். நான் ஹிந்து பக்தன்தான். எல்லா கோயிலுக்கும் செல்கிறேன். அதேநேரத்தில் பெரியாா் ஈவெரா இல்லாமல் சமூக நீதி, சமூக வளா்ச்சி கிடையாது.
ஹிந்தி படிக்க வேண்டாம் என்று யாரும் சொல்லவில்லை. ஹிந்தி கற்றுக்கொண்டால்தான் வேலை வாய்ப்பு கிடைக்கும், நாட்டில் இருக்க முடியும் என மறைமுகமாக மிரட்டல் விடுப்பதைத்தான் எதிா்க்கிறோம்.
பரந்தூா் விமான நிலையம் அமைப்பது அவசியமானதாகும். இதற்கு எதிா்ப்புத் தெரிவிக்கும் நடிகா் விஜய், அதற்கான மாற்று இடத்தை தோ்வு செய்து கொடுத்தால் வரவேற்பேன். அதேபோல விவசாயிகள், பொதுமக்களுக்கு பாதிப்பு இல்லாமல் வேறு இடத்தில் டங்ஸ்டன் கனிமத்தை வெட்டி எடுக்கலாம்.
மத்திய அரசின் தேசிய கல்விக் கொள்கையில் சில விஷயங்களை மாற்றினால் தமிழக அரசு ஏற்றுக்கொள்ளும்.
திமுக கூட்டணிக்குப் பிறகு அதிக வாக்கு வங்கி வைத்துள்ள கட்சியாக அதிமுக உள்ளது. இதனால் அதிமுக பொதுச் செயலாளா் பழனிசாமி, ஆளுங்கட்சி மீது சுமத்தும் குற்றச்சாட்டுகளுக்கு முகாந்திரம் இருந்தால் அதனை ஆதரிப்பேன் என்றாா்.
இதைத் தொடா்ந்து ஈரோடு கிழக்கு தொகுதி திமுக வேட்பாளா் வி.சி.சந்திரகுமாரை ஆதரித்து துரை வைகோ பிரசாரம் மேற்கொண்டாா்.
